“QazaqGaz” ūlttyq kompanıyasynyń basshysy Álíbek Jamauov “Samūryq-Qazyna” qorynyń Qoǵamdyq keńesí otyrysynda Qazaqstanda gazdyń kóterme baǵasyn arttyru qajet ekenín málímdedí, dep habarlaıdy aqshamnews.kz
Álíbek Jamauovtyń aıtuynsha, tauarlyq gazdyń kóterme baǵasy kezeń-kezeńímen ósíp jatqanyna qaramastan, Qazaqstan álí de halyq úshín kógíldír otynnyń tarıfí eń tómen elderdíń bírí bolyp otyr.
“33% kólemíndegí sońǵy túzetudí eskergenníń ózínde, íshkí naryqtaǵy “QazaqGaz” kompanıyasynyń jyl saıynǵy subsıdıya kólemí 200 mıllıard teńge deńgeıínde qalyp otyr. Sonymen qatar sońǵy jyldary gaz baǵasynyń ósuí áleumettík mańyzy bar tauarlardyń kópshílígíne qaraǵanda áldeqaıda tómen boldy. Būdan bólek, sońǵy on jyldyqta qazaqstandyqtardyń kommunaldyq shyǵyndaryndaǵy gazdyń úlesí 6,4%-dan 5,2%-ǵa deıín azaıdy”, dedí ol.
Onyń sózínshe, gazdyń tūraqty jetkízíluín qamtamasyz etu, ınvestıtsıyalyq jobalardy íske asyru jáne ınfraqūrylymdy damytu úshín kóterme baǵany bírtíndep ózíndík qūn deńgeıíne deıín jetkízu qajet. Álíbek Jamauov būl eldíń energıya qauípsízdígín nyǵaıtyp, Qazaqstannyń barlyq óńírlerín senímdí túrde gazben qamtamasyz etuge múmkíndík beredí dep sanaıdy.