Memleket basshysynyń tapsyrmasyn oryndau úshín Densaulyq saqtau mınıstrlígí otandyq farmatsevtıkalyq ónerkásíptí damytu jáne íshkí naryqtaǵy qazaqstandyq dárílík zattardyń úlesín keńeıtu jóníndegí júıelí jūmysty jalǵastyruda.
Aǵymdaǵy jyldyń 10 aıynyń qorytyndysy boıynsha farmatsevtıkalyq sektor kásíporyndary óndírístíń kólemín 11,7%-ǵa arttyryp, 156,6 mlrd teńgege (305 mln AQSh dollary) jettí, būl ótken jyldyń sáıkes kezeńínen 16,4 mlrd teńgege artyq, - dep habarlaıdy Aqshamnews.kz.
Bírínshí jartyjyldyqta salaǵa salynǵan ınvestıtsıya kólemí 77,1 mln AQSh dollaryn qūrady.
Óndírístík kórsetkíshterdíń ósuí dárí-dármekter men medıtsınalyq būıymdar shyǵaratyn jańa tehnologıyalyq jelílerdí íske qosumen qamtamasyz etílgen.
Búgínde Qazaqstanda 200-den astam otandyq óndírushí tírkelgen, onyń íshínde 43 dárílík zattar shyǵaratyn kásíporyn, qalǵandary medıtsınalyq būıymdar óndíruge mamandanǵan.