Qazaqstan Respublıkasy Tótenshe jaǵdaılar mınıstrlígí su aıdyndarynyń janynda jyly mausym men belsendí demalys qarsańynda azamattarǵa sudaǵy qauípsízdík sharalaryn saqtau qajettígín eske salady.
Kóktemgí-jazǵy kezeńníń bastaluymen su qoımalarynda demalushylar sany edáuír artady, dep habarlaıdy aqshamnews.kz TJM saıtyna sílteme jasap.
Osyǵan baılanysty TJM qūtqarushylary men áskerı qyzmetshílerí elímízdíń barlyq óńírlerínde tūraqty túrde oqys oqıǵalardyń aldyn aluǵa jáne halyqtyń qauípsízdík deńgeıín arttyruǵa baǵyttalǵan reıdtík ís-sharalardy júrgízude.
Patruldeu arnaıy tehnıkany, aeroqaıyqtardy, kvadrotsıklderdí jáne su kólígín paıdalana otyryp júzege asyrylady, būl jaǵalau aımaqtaryn tıímdí baqylauǵa, būzushylyqtardy anyqtauǵa jáne yqtımal qauípterge uaqtyly jauap beruge múmkíndík beredí. Jappaı demalu oryndaryna, sondaı-aq shomyluǵa tyıym salynǵan jerlerge erekshe nazar audarylady.
Máselen, Astana, Almaty qalalary, Atyrau, Aqtóbe jáne Túrkístan oblystary TJD qyzmetkerlerí Esíl, Jaıyq, Syrdarıya ózenderí men su aıdyndarynda patruldeu jáne reıdtík ís-sharalar ótkízdí.
Reıdter kezínde demalushylar men balyqshylarǵa su jaǵasyndaǵy negízgí júrís-tūrys erejelerí túsíndíríledí, aqparattyq áńgímeler júrgízíledí.