Qazaqstan Dúnıejúzílík banktíń statıstıkalyq tıímdílík kórsetkíshterí (SPI) reıtıngínde 217 eldíń íshínde 44-orynǵa ıe boldy.
Būl - ótken jylmen salystyrǵanda bírden 21 pozıtsıyaǵa joǵary nátıje (2023 jyly – 65-oryn), - dep habarlaıdy Aqshamnews.kz.
Dúnıejúzílík bank jyl saıyn resmı túrde tanylǵan halyqaralyq derekkózder negízínde ūlttyq, óńírlík jáne jahandyq statıstıkalyq júıelerdíń tıímdílígín baǵalaıtyn SPI reıtıngín jarıyalaıdy. Būl kórsetkísh elderdíń ózektí jáne sapaly málímetterdí jınau, óńdeu jáne jarıyalau deńgeıín anyqtaıdy. Baǵalau shkalasy 0-den 100 balǵa deıín júrgízíledí.
Ótken jyldyń qorytyndysy boıynsha, Qazaqstannyń ūlttyq statıstıka júıesí 84,9 ball jınady. Kórsetkíshtíń ósuíne myna baǵyttardaǵy aıtarlyqtaı ílgeríleu áser etken:
– «Derekterdí paıdalanu» – +10 ball
– «Derek kózderí» – +10,2 ball
– «Derekter ınfraqūrylymy» – +10 ball
– «Derekterdí ūsynu qyzmetterí» – +1,1 ball
SPI-2024 kóshbasshylary - Norvegıya, Shvetsıya jáne Kanada.