Baıraqty básekege 24 eldíń úzdík sportshylary qatysuda, dep habarlaıdy aqshamnews.kz tílshísí.
Qazaqstan ūlttyq qūramasy Brazılıyanyń San-Paulu qalasynda ótíp jatqan bochchadan Álem kubogínde sáttí óner kórsetíp jatyr. Baıraqty básekege 24 eldíń úzdík sportshylary qatysuda.
Qazaqstan namysyn halyqaralyq arenada úsh paralımpıadashy qorǵauda. Olar: Quanysh Asqarbekov (BC1 sanaty, Taldyqorǵan, Jetísu oblysy), Itıana Shyńǵyshanova (BC2 sanaty, Astana qalasy) jáne Azamat Amansha (BC2 sanaty, Aqtau, Mańǵystau oblysy).
Jekeleı saıystardyń qorytyndysy boıynsha Quanysh Asqarbekov altyn medal ıelense, Itıana Shyńǵyshanova kúmís júldeger atandy. Būl jetístíkter elímízdíń parasport salasyndaǵy aıtuly jeńísteríníń bírí bolyp, Qazaqstannyń halyqaralyq arenadaǵy bedelín nyǵaıta tústí.
Qazírgí uaqytta ūlttyq qūrama komandalyq saıystardaǵy jarysty jalǵastyryp jatyr. Qazaqstandyq sportshylar taǵy segíz eldíń ókílderímen júldelí oryndar úshín baq synauda. Qūramanyń elge oraluy 13 qarashaǵa josparlanǵan.
Qazaqstanda paralımpıadalyq, surdlımpıadalyq jáne paralımpıadalyq emes sport túrlerín qosa alǵanda, sporttyń 35 túrí damyp keledí. Erekshe qajettílígí bar jandardyń sportpen shūǵyldanuyna qolaıly jaǵdaı jasau maqsatynda 2025 jyly zańnamaǵa I toptaǵy múgedektígí bar sportshylardy súıemeldeıtín adamdardyń mártebesín bekítu jáne olardyń halyqaralyq jarystarǵa qatysuyna qarjylaı qoldau kórsetu turaly normalar engízíldí.
Al 2026 jyly sporttyń ózíne laıyq túrín tańdap, jattyqtyrushymen baılanysuǵa múmkíndík beretín @parasport_kz_bot Telegram-boty íske qosyldy.
Ūlttyq qūramanyń Álem kubogíndegí tabysty óner kórsetuí – Qazaqstandaǵy bochcha sportynyń áleuetí artyp kele jatqanynyń aıqyn kórínísí. Sportshylarymyzdyń jeńísí jańa belesterdí baǵyndyruǵa jíger beríp, elímízde parasporttyń odan árí damuyna serpín beredí.