Talqylaudyń negízgí baǵyttarynyń bírí bílím beru júıesín jańǵyrtu, mektepterdíń materıaldyq-tehnıkalyq bazasyn nyǵaıtu jáne zamanauı oqytu tehnologıyalaryn engízu boldy, dep habarlaıdy aqshamnews.kz tílshísí.
Almatynyń Alatau audanyndaǵy №181 jalpy bílím beretín mektepte «Ádílet» partıyasynyń saılaualdy baǵdarlamasyn tanystyruǵa arnalǵan kezdesu óttí. Jıynda partıyanyń Almaty qalasy boıynsha 2026-2031 jyldarǵa arnalǵan baǵdarlamalyq basymdyqtary, bílím beru ınfraqūrylymyn damytu, pedagogterdíń kásíbı mártebesín arttyru jáne sapaly bílímge teń qoljetímdílíktí qamtamasyz etu máselelerí talqylandy.
Basqosuǵa «Ádílet» partıyasynan Almaty qalasy máslıhatynyń deputattyǵyna kandıdat Gúljan Bekenova, Alatau audandyq saılaualdy shtabynyń múshelerí jáne mekteptíń pedagogıkalyq ūjymy qatysty.
Talqylaudyń negízgí baǵyttarynyń bírí bílím beru júıesín jańǵyrtu, mektepterdíń materıaldyq-tehnıkalyq bazasyn nyǵaıtu jáne zamanauı oqytu tehnologıyalaryn engízu boldy. Pedagogterdíń kásíbı damuyna qolaıly jaǵdaı jasau, oqu úderísíníń tıímdílígín arttyru jáne bílím beru ūıymdarynyń ınfraqūrylymyn jetíldíru máseleleríne de nazar audaryldy.
Alatau audanynda ornalasqan №181 jalpy bílím beretín mektep óskeleń ūrpaqqa bílím men tárbıe beretín oqu oryndarynyń bírí. Osyǵan baılanysty kezdesude mektepterdíń bílím beru áleuetín arttyru, oqushylardyń qabíletterín damytuǵa jaǵdaı jasau jáne pedagogterdíń kásíbı bastamalaryn qoldau máselelerí qarastyryldy.
Memleket basshysynyń Qazaqstan halqyna arnaǵan Joldauynda belgílengen bílím beru salasyndaǵy míndetter de nazardan tys qalmady. Atap aıtqanda, óńírlerdegí áleumettík ınfraqūrylymǵa degen qajettílíktí eskere otyryp, jańa mektepter salu, qoldanystaǵy bílím beru nysandaryn jańǵyrtu, pedagogterdíń ákímshílík júktemesín azaıtu jáne ınklyuzıvtí bílím beru júıesín jetíldíru máselelerí qozǵaldy.
«Ádílet» partıyasynan Almaty qalasy máslıhatynyń deputattyǵyna kandıdat Gúljan Bekenova bílím beru sapasyn arttyruda pedagogterge qolaıly eńbek jaǵdaıyn jasau men árbír oqushynyń jeke qabíletín damytuǵa múmkíndík beretín bílím beru ortasyn qalyptastyrudyń mańyzdylyǵyn atap óttí.
«Sapaly bílím - eldíń zıyatkerlík áleuetín qalyptastyratyn basty negízderdíń bírí. Sondyqtan mektep ınfraqūrylymyn damytu, pedagogterdíń kásíbı mártebesín nyǵaıtu jáne olardyń eńbek jaǵdaıyn jaqsartu máselelerí árdaıym nazarda boluy tıís. Bízdíń aldymyzda árbír balanyń qabíletí men qajettílígín eskeretín, zamanauı talaptarǵa saı árí qoljetímdí bílím beru ortasyn qalyptastyru míndetí tūr. Būl rette ūstazdardy artyq ákímshílík júktemeden bosatyp, olardyń negízgí qyzmetí - sapaly bílím men tárbıe beruge tolyqqandy kóńíl bóluíne jaǵdaı jasau asa mańyzdy», - dedí Gúljan Bekenova.
Kezdesu pedagogıkalyq qauymdastyqtyń ózektí qajettílíkterín talqylauǵa, bílím beru salasyndaǵy memlekettík bastamalar men partıyanyń baǵdarlamalyq baǵyttary jónínde píkír almasuǵa jáne mektep bílímín odan árí jetíldíru máselelerín qarastyruǵa múmkíndík berdí.
Daıyndaǵan: «Ádílet» partıyasy Almaty qalalyq fılıalynyń baspasóz qyzmetí.
Tapsyrys berushí: S.V. Kankurov
Almaty qalasy máslıhaty deputattarynyń saılauynda partıyalyq tízímdí ūsynǵan «Ádílet» partıyasy» QB saılau qorynyń qarajatynan tólendí.