Emdeu-dıagnostıkalyq úderísterdíń tıímdílígín arttyruǵa jáne halyqqa kórsetíletín medıtsınalyq qyzmetterdíń qoljetímdílígín qamtamasyz etuge erekshe nazar audaryldy, dep habarlaıdy aqshamnews.kz tílshísí.
Búgín Almatyda «Ádílet» partıyasynyń kandıdattary saılaualdy baǵdarlamasymen tanystyru maqsatynda Qalalyq kardıologıyalyq ortalyqtyń ūjymymen kezdestí. Basqosuda medıtsınalyq ınfraqūrylymdy jańǵyrtu, mamandandyrylǵan medıtsınalyq kómektíń sapasy men qoljetímdílígín arttyru, medıtsına qyzmetkerleríníń kásíbı qūqyqtaryn qorǵau jáne qauípsíz eńbek jaǵdaılaryn qamtamasyz etu máselelerí talqylandy.
Kezdesuge «Ádílet» partıyasynan Almaty qalasy máslıhatynyń deputattyǵyna kandıdattar, Almaly audandyq saılaualdy shtabynyń múshelerí jáne Qalalyq kardıologıyalyq ortalyqtyń ūjymy qatysty.
Talqylaudyń negízgí taqyryptarynyń bírí Qalalyq kardıologıyalyq ortalyqtyń jańa korpusyn salu máselesí boldy. Sonymen qatar emdeu-dıagnostıkalyq úderísterdíń tıímdílígín arttyruǵa jáne halyqqa kórsetíletín medıtsınalyq qyzmetterdíń qoljetímdílígín qamtamasyz etuge erekshe nazar audaryldy.
Jıyn barysynda medıtsına qyzmetkerleríníń qūqyqtyq qorǵaluyn kúsheıtu, kásíbı ádep qaǵıdattaryn saqtau jáne qoǵamda dáríger mamandyǵyna degen qūrmettí qalyptastyru máselelerí de keńínen talqylandy. Osy baǵytta aqparattyq-aǵartushylyq jūmystardy jandandyru, būqaralyq aqparat qūraldary arqyly medıtsına mamandary eńbegíníń mańyzdylyǵyn keńínen nasıhattau jáne olardyń kásíbı bedelín qorǵau tetíkterín jetíldíru jónínde píkír almasyldy.
«Medıtsınalyq kómektíń sapasy tek mekemelerdíń zamanauı qūral-jabdyqtarmen qamtamasyz etíluíne ǵana emes, dárígerlerdíń kúndelíktí eńbek etetín jaǵdaıyna da tíkeleı baılanysty. Árbír der kezínde qoıylǵan dıagnozdyń, sáttí jasalǵan operatsıyanyń jáne qūtqarylǵan ómírdíń artynda medıtsına mamandarynyń orasan zor eńbegí jatyr. Sondyqtan olardyń kásíbı qūqyqtaryn qorǵau, qauípsízdígín qamtamasyz etu jáne qoǵamda dáríger mamandyǵyna degen qūrmettí nyǵaıtu densaulyq saqtau júıesín keshendí damytudyń ajyramas bólígí boluy tıís. Bízdíń míndetímíz - medıtsına qyzmetkerlerí ózderíníń basty mıssıyasyna, yaǵnı adam densaulyǵy men ómírín saqtauǵa tolyqqandy kóńíl bóle alatyn qolaıly orta qalyptastyruǵa yqpal etu», - dedí «Ádílet» partıyasynan Almaty qalasy máslıhatynyń deputattyǵyna kandıdat Ermaǵambet Quatbaev.
Kezdesude tar beıíndí dárígerlerdíń avtokólíkteríne arnaıy aıyrym belgílerín engízu bastamasy da qyzyǵushylyq tudyrdy. Qatysushylardyń píkírínshe, mūndaı shara medıtsına mamandarynyń kásíbı míndetterín oryndauyn, ásírese patsıentke shūǵyl jetu qajet bolǵan jaǵdaılarda qala íshínde qozǵaluyn jeńíldetuí múmkín. Osyǵan baılanysty sheteldík tájírıbení, onyń íshínde AQSh-ta qoldanylatyn MD (Medical Doctor) belgísín paıdalanu tájírıbesín zerdeleu, sondaı-aq qoldanystaǵy zańnama men qalalyq avtotūraq ınfraqūrylymynyń erekshelíkterín eskere otyryp, osyndaı tetíkterdí Almatyda engízu múmkíndígín qarastyru ūsynyldy.
Medıtsına qauymdastyǵy tarapynan aıtylǵan ūsynystar áleumettík ınfraqūrylymdy damytuǵa, medıtsınalyq qyzmet kórsetu sapasyn arttyruǵa jáne qyzmetkerlerdíń kásíbı qūqyqtaryn qorǵau tetíkterín jetíldíruge baǵyttalǵan «Ádílet» partıyasynyń saılaualdy baǵdarlamasyndaǵy basymdyqtar ayasynda qarastyryldy.
Daıyndaǵan: «Ádílet» partıyasy Almaty qalalyq fılıalynyń baspasóz qyzmetí.
Tapsyrys berushí: S.V. Kankurov
Almaty qalasy máslıhaty deputattarynyń saılauynda partıyalyq tízímdí ūsynǵan «Ádílet» partıyasy» QB saılau qorynyń qarajatynan tólendí.