Su resurstary jáne ırrıgatsıya mınıstrí Nūrjan Nūrjígítov Izraıldíń Dan Capital ınvestıtsıyalyq kompanıyasynyń basqarma tóraǵasy Shımon Ben Hamomen kezdestí.
Taraptar Qazaqstanda gıdrotehnıkalyq qūrylystardy salu jáne rekonstruktsıyalau boıynsha bírlesken jobalardy íske asyrudy talqylady, dep habarlaıdy aqshamnews.kz Su resurstary jáne ırrıgatsıya mınıstrlígíne sílteme jasap.
Búgíngí tańda ızraıldík ınjenerler 4 su qoımasyn qarap, olardy rekonstruktsıyalau boıynsha ūsynys berdí.
Taraptar Jambyl oblysyndaǵy Yntymaq su qoımasyn jańǵyrtu jáne onyń kólemín ūlǵaıtu máselelerín talqylady. Sondaı-aq, mınıstr zamanauı su únemdeu tehnologıyalaryn engíze otyryp, Sarysu audanynyń ırrıgatsıyalyq kanaldaryn jańǵyrtudy ūsyndy.
Izraıl ınvestorlary qazaqstandyq kompanıyalarmen bírlesken jobany júzege asyruǵa daıyn ekendíkterín bíldírdí. Sondaı-aq, sheteldík delegatsıya Izraılde «Qazsushar» mamandary úshín bílíktílík arttyru kurstaryn ūıymdastyrudy ūsyndy.
«Būdan árí talqylau bírlesken jūmys toby ayasynda jalǵasady. Ekí jaqtyń sarapshylary jobanyń tehnıkalyq qūramdas bólígín qarastyrady. Sondaı – aq, jūmys toby bízdíń mamandardyń bílíktílígín arttyru kurstarynyń baǵyty men taqyrybyn anyqtaıdy»,- dedí Su resurstary jáne ırrıgatsıya mınıstrí Nūrjan Nūrjígítov.