QR Ǵylym jáne joǵary bílím mınıstríníń būıryǵymen Qazaq ūlttyq qyzdar pedagogıkalyq unıversıtetíníń Basqarma Tóraǵasy – Rektory lauazymyna Kárímova Beıbítkúl Sársemhanqyzy taǵaıyndaldy, - dep habarlaıdy Aqshamnews.kz.
Beıbítkúl Sársemhanqyzy 1972 jyly 2 tamyzda Almaty oblysy, Kegen audany, Shyrǵanaq auylynda dúnıege kelgen. Bílímí men kásíbı jolyn Qazaq qyzdar pedagogıkalyq ınstıtutynda bastap, 1994 jyly «Qazaq mektebíndegí orys tílí men ádebıetí» mamandyǵyn támamdap, keıín aspıranturada bílím aldy. Fılologıya fakultetínde dekannyń oqu ísí jóníndegí orynbasary jáne orys fılologıyasy kafedrasynyń oqytushysy bolyp jūmys ístegen.
30 jyldyq qyzmetínde bílím salasynda basshylyq qyzmetterdí abyroımen atqarǵan. Ál-Farabı atyndaǵy Qazaq ūlttyq unıversıtetí kolledjíníń dırektory, «Oqulyq» Respublıkalyq ǵylymı-praktıkalyq ortalyǵynyń dırektory qyzmetterín atqarǵan.
2020 jyldyń qańtarynan osy uaqytqa deıín Qorqyt ata atyndaǵy Qyzylorda memlekettík unıversıtetín Basqarma Tóraǵasy – Rektor retínde basqardy. 2021 jyldan Qyzylorda qalalyq máslıhatynyń VII, VIII shaqyrylym deputaty. Onyń basshylyǵymen unıversıtet studenttík kontıngentín ekí eseden astam arttyrdy, halyqaralyq reıtıngterde joǵary kórsetkíshterge jettí, sheteldík unıversıtettermen 12 bírlesken jáne 4 qosdıplomdyq bílím beru baǵdarlamalary engízíldí.
Beıbítkúl Sársemhanqyzy kásíbı sheberlígín úzdíksíz arttyra otyryp, Vashıngton (AQSh), Frantsıya, Fınlyandıya, Ońtústík Koreya, Anglıya, Ūlybrıtanıya jáne Grekıyada bílíktílíktí arttyru baǵdarlamalarynan ótken. Ol tíl bílímí, salystyrmaly grammatıka, qazaqstandyq sayasatkerdíń tíldík tūlǵasy, joǵary bílím berudegí ınternatsıonaldandyru, mektep oqulyqtarynyń sapasyna arnalǵan 90-nan asa ǵylymı ǵylymı eńbektíń avtory.
QR Ǵylym jáne joǵary bílím mınıstrlígíníń «Ahmet Baıtūrsynūly» tósbelgísímen, Qazaqstan Respublıkasy Prezıdentíníń Alǵys hatymen, sondaı-aq «Eren eńbegí úshín» medalímen marapattalǵan.