Elímízde san aluan tsıfrlyq platformalardyń bárí qazaq tílínde qyzmet kórsetetín boldy, dep habarlaıdy aqshamnews.kz tílshísí.
Memleket basshysy Qasym-Jomart Toqaev Halyqaralyq «Qazaq tílí» qoǵamynyń H qūryltaıynda sóz sóıledí.
«Ótken zamandarda sayası qysym bolǵan kezde ana tílímíz ádebıetshíler men tíl mamandarynyń, jurnalısterímízdíń, zıyaly qauym men qarapaıym azamattardyń arqasynda aman qaldy da, ózíníń damuyn toqtatqan joq. Būl – típtí, qazaq tílíníń ómírsheńdígí bíregeı degen sóz. Al qazírgí tańda tílímízdíń keleshegíne eshqandaı qauíp tóníp tūrǵan joq dep anyq aıtuǵa bolady. Búgínde qazaq tílí ozyq tehnologıyalar salasyna keń auqymda eníp, zaman talabyna saı damyp kele jatyr. Elímízde san aluan tsıfrlyq platformalar tabysty jūmys ístep tūr. Onyń bárí qazaq tílínde qyzmet kórsetetín boldy. Ana tílímízdíń áleuetín álemníń ozyq tehnologıyalyq kompanıyalary da moıyndaı bastady. Máselen, Open.AI kompanıyasy júrgízgen zertteuge sáıkes qazaq tílí sońǵy úsh jylda jasandy ıntellekt júıesíndegí qoldanys ayasy qarqyndy keńeıíp jatqan tílderdíń qataryna kírgen. Al Yandeh kompanıyasy ózíníń bír belgílí ónímín byltyrdan berí qazaq tílínde qoldanatyn adamdardyń sany 30 paıyzǵa artqanyn málímdep otyr. Sondaı-aq ótken jyly Google kompanıyasy qazaq tílín Gemini tíldík modelíne engízdí. Mūnyń bárí – qazaq tílín ǵylym tílí retínde damytu úshín júrgízílgen júıelí jūmystyń bír nátıjesí. «Altyn shyqqan jerdí belden qaz» degen. Sondyqtan bíz osy baǵytta bastalǵan óte qajettí árí mańyzdy jūmysty toqtatpaı, jalǵastyra beruímíz kerek», – dedí Prezıdent.