Búgínde balabaqsha men mektepterde balalardyń basym bólígí qazaq tílínde tálím-tárbıe alyp jatyr, dep habarlaıdy aqshamnews.kz tílshísí.
Memleket basshysy Qasym-Jomart Toqaev Halyqaralyq «Qazaq tílí» qoǵamynyń H qūryltaıynda sóz sóıledí.
«Qazaq tílí Táuelsízdígímízdíń myzǵymas sımvoly, Otanymyzdyń memlekettík tílí, ūltymyzdyń máńgílík jany retínde qabyldanuy qajet. Basqa kózqarastyń boluy múmkín emes. Sondyqtan qazaq tílíne syılastyqpen qarau būl – azamattyq, adamı borysh. Al paryz qanshama qasterlí bolsa da, onyń myqty negízí boluy kerek. Bíz ekonomıkasy damyǵan, ınnovatsıyasy men tehnologıyasy úzdík, álem jūrtshylyǵy moıyndaǵan, órkenıettí, myqty memleket bolsaq, qazaq tílí de quatty tíl bolatyny anyq», – dep atap kórsettí Prezıdent.
Qasym-Jomart Toqaev memlekettíń bedelí artqan saıyn, memlekettík tíldíń de abyroıy kúsheıetínín aıtty.
«Búgínde balabaqsha men mektepterde balalardyń basym bólígí qazaq tílínde tálím-tárbıe alyp jatyr. Bıyl mektepke barǵan oqushylardyń 71 paıyzy qazaq synyptaryna qabyldandy. Kolledjder men unıversıtetterde qazaq bólímderíníń sany kóbeıdí», – dedí Memleket basshysy.