Memleket basshysy Novı-Sad qalasyndaǵy temirjol vokzalynda bolǵan qaıǵyly oqıǵa saldarynan kóptegen adamnyń qaza tabýyna baılanysty Serbıa Prezıdenti Aleksandr Výchıchke kóńil aıtty.
– Osyndaı aýyr sátte dostas Serbıa halqynyń qaıǵy-qasiretine ortaqtasyp, barsha qazaqstandyqtardyń jáne jeke óz atymnan Sizge, jaqyndarynan aıyrylǵan otbasylarǵa qaıǵyra kóńil aıtamyn. Oqys oqıǵada baqılyq bolǵandardyń týystaryna sabyr, al zardap shekken jandardyń tez arada saýyǵyp ketýin tileımin,– dep jazylǵan jedelhatta.
Esterińizge sala keteıik, Serbıa halqy eń kóp shoǵyrlanǵan Novı-Sad qalasyndaǵy temirjol vokzalynda beton shatyr qulap, 14 adam qaza tapty.
Qaza tapqan 14 adamnan basqa úsh adam jaraqat alǵan.
Vokzal ǵımaraty 2021 jyly qaıta jóndeýden ótti, odan keıin 5 shildede resmı ashylýy úshin bıyl taǵy jóndeýden ótken eken.
Serbıa bıligi keshegi kúndi, 2 qarashany aza tutý kún dep jarıalady.