Memleket basshysy koronavırus índetíne qarsy kúreske zor úles qosqan medıtsına qyzmetkerleríne arnap tūrǵyzylǵan «Altyn júrek» eskertkíshíníń ashylu rásímíne qatysty. Eskertkísh elordanyń sol jaǵalauynda Almaty men Aqmeshít kósheleríníń qıylysyndaǵy jańa sayabaqtyń aumaǵynda ornalasqan.
Prezıdent saltanatty lentany qıyp, eskertkíshke gúl shoǵyn qoıdy, dep habarlady Almaty-akshamy.kz. Fq ordanyń saıtyna sílteme jasap. Sodan keıín ashylu rásímíne jınalǵan medıtsına qyzmetkerleríníń aldynda sóz sóıledí.
Qasym-Jomart Toqaev óz sózínde «Altyn júrek» eskertkíshíníń ashyluy asa qauíptí índetpen betpe-bet kelgen otandastarymyzdyń yntymaǵy men bírlígín kórsetetínín atap óttí. Memleket basshysy dárígerlerge arnap eskertkísh ornatu turaly tapsyrmany byltyr «Bíz bírgemíz» jalpyūlttyq onlaın-forumynda bergen edí.
– Būl – jahandyq dertke qarsy kúresken otandastarymyzǵa degen el qūrmetíníń belgísí. Sondaı-aq halyqtyń adal perzentteríne ystyq yqylasynyń kórínísí. Eskertkísh el basyna qıyndyq tuǵan sátte qaharmandyq kórsetken jandardyń ruhyna taǵzym etu ornyna aınalady, – dedí Prezıdent.
Memleket basshysy densaulyq saqtau salasynda jūmys ísteıtín 10 myńǵa juyq qyzmetker koronavırus jūqtyryp, onyń 200-den astamy qaıtys bolǵanyn jetkízdí.
Byltyr Qazaqstan Prezıdentíníń Jarlyǵymen «Halyq alǵysy» medalí bekítílíp, pandemıyaǵa qarsy kúreste alǵy shepte bolǵan kóptegen otandasymyz marapattaldy. Prezıdenttíń aıtuynsha, būl olardyń qajyrly eńbegí men eren erlígíne degen halyqtyń ystyq yqylasynyń belgísí. Marapatqa ıe bolǵan azamattardyń kópshílígí densaulyq saqtau salasynyń qyzmetkerlerí.
Qasym-Jomart Toqaev pandemıya kezínde memleket tarapynan dárígerler men jalpy medıtsına qyzmetkerlerín qoldauǵa baǵyttalǵan yntalandyru sharalary toptamasy qabyldanǵanyn aıtty.
– Koronavıruspen kúreske atsalysqan dárígerlerge tólenetín tek ústemeaqy men saqtandyru járdemaqylary úshín 180 mıllıard teńgege juyq qarjy bólíndí. Úkímet bıylǵy qazan aıyna deıín tólemaqy berudí jalǵastyru úshín osy maqsatqa qosymsha 71,5 mıllıard teńge bóledí. Bíz dárígerlerdíń eńbekaqysyn kezeń-kezeńímen arttyrudy bastadyq. Būl úrdís jalǵasa beredí, – dedí Memleket basshysy.
Prezıdent óz sózínde medıtsına qyzmetkerlerín áleumettík tūrǵydan qorǵaudyń tıímdí júıesín qūru mańyzdylyǵyna nazar audardy.
– Būl júıede auyldyq jerge kelgen mamandarǵa míndettí túrde tūrǵyn úı beru, bírjolǵy járdemaqy tóleu jáne basqa da jeńíldíkter qamtylǵan. Mūndaı sharalar oblystar men qalalar ákímderíníń belsendí atsalysuymen elímízdíń barlyq óńírínde qabyldanuǵa tıís, – dedí Qasym-Jomart Toqaev
Sonymen qatar Prezıdent tek qarjylaı yntalandyrudyń jetkílíksíz ekenín aıtty.
– Medıtsına qyzmetkerleríníń moraldyq jáne zańdyq jauapkershílígí artyp keledí. Azamattar tarapynan qoıylatyn talap ta joǵary. Kóptegen maman qysymǵa shydamaı, kásíbı tūrǵydan qajyp, densaulyq saqtau salasynan bas tartuda. Ókíníshke qaraı, būl alańdatarlyq jaǵdaı. Atalǵan úrdís elímízde ǵana oryn alyp otyrǵan joq. Sondaı-aq búkíl álemde bes mıllıonnan astam dáríger jetíspeıdí. Osy oraıda medıtsına qyzmetkerleríníń qūqyqtyq jáne áleumettík tūrǵydan qorǵaluyn bírtíndep kúsheıtu qajet. Meníń tapsyrmam boıynsha jyl sońyna deıín medıtsına qyzmetkerleríníń kásíbı jauapkershílígín saqtandyru júıesí íske qosylady, – dedí Memleket basshysy.
Prezıdent medıtsına qyzmetkerleríníń qoǵamdaǵy mártebesín arttyru úshín «Qazaqstan Respublıkasynyń eńbek síńírgen dárígerí» ataǵyn engízudí ūsyndy. Ataqpen bírge materıaldyq syıaqy da beríledí. Onyń kólemín Úkímet belgíleıdí.
Qasym-Jomart Toqaev densaulyq saqtau júıesínde qyzmet etu óskeleń ūrpaq úshín mártebelí árí tartymdy boluy tıís dep sanaıdy.
Sonymen qatar Prezıdent orta deńgeıdegí medıtsına qyzmetkerleríne qoldau kórsetu máselesíne toqtaldy. Onyń píkírínshe, olar densaulyq saqtau júıesíníń basty resursy jáne jūmystyń negízgí bólígín atqarady.
– Bízge meıírgerlerdíń jańa buynyn qalyptastyru qajet. Olar tek oryndaushylar ǵana emes, kóp salaly emdeu tobynyń jauapkershílík júktelgen teń qūqyqtyq múshelerí boluy tıís. Osy oraıda olardyń kásíbı daıyndyǵynyń deńgeıín bírtíndep kóteríp, meıírgerlík ísíníń mártebesín arttyru qajet, – dedí Memleket basshysy.
Prezıdent óz sózínde Elbasynyń bastamasymen íske asyrylǵan «Bíz bírgemíz» aktsıyasy ayasynda pandemıyaǵa qarsy kúreske zor úles qosqan eríktíler men metsenattardyń qyzmetín atap óttí.
Qasym-Jomart Toqaev barsha medıtsına qyzmetkerlerín kásíbı merekesímen qūttyqtap, «Altyn júrek» eskertkíshí ornalasqan sayabaqty «Dárígerler alleyasy» dep ataudy ūsyndy. Memleket basshysy jańadan ashylǵan keshen aq halatty abzal jandarǵa degen halyq alǵysynyń belgísí bolatynyna sením bíldírdí.
Jıyn sońynda Memleket basshysy medıtsına qyzmetkerlerímen áńgímelestí. Dárígerler kórsetílíp jatqan qoldauǵa alǵys aıtty.