Tergeu barysy men jan-jaqty kómek kórsetu jūmystary Úkímettík komıssıyanyń baqylauynda, dep habarlaıdy aqshamnews.kz tílshísí.
Aqtau qalasynda Mańǵystau oblysynda áskerı qyzmetshílerdíń qaza boluyna ákep soqqan tótenshe jaǵdaıdyń sebepterín tergeu jáne saldaryn joyu jóníndegí Úkímettík komıssıyanyń otyrysy óttí.
Otyrys barysynda ortalyq memlekettík jáne qūqyq qorǵau organdarynyń basshylary tergeu sharalarynyń barysy, sondaı-aq qaza bolǵan áskerı qyzmetshílerdíń otbasylary men zardap shekkenderge kómek kórsetu sharalary turaly bayandama jasady.
Alǵashqy tergeu áreketteríníń nátıjelerí turaly Qazaqstan Respublıkasy Íshkí íster mınıstríníń orynbasary Sanjar Ádílov bayandady. Onyń aıtuynsha, áskerı qyzmetshílerdíń qaza bolu faktísí boıynsha ÍÍM-níń áskerı-tergeu bólímshesí sotqa deıíngí tergeu júrgízíp jatyr.
— Búgíngí tańda qylmystyq ís ayasynda bes lauazymdy tūlǵanyń kúdíktí retíndegí mártebesí protsessualdyq tūrǵyda rásímdelíp, olar Aqtau qalasynyń uaqytsha ūstau ızolyatoryna qamaldy. Olardyń qatarynda QR QK Áskerı-teńíz kúshterí Bas qolbasshysynyń bírínshí orynbasary – shtab bastyǵy, ekí áskerı bólímníń komandırí, teńíz jayau áskerlerí rotasynyń komandırí jáne kater komandırí bar. Tergeu jáne protsessualdyq sharalar tolyq kólemde jalǵasyp jatyr, qajettí saraptamalar júrgízílude. Tergeu barysynda barlyq qatysy bar tūlǵalardyń áreketteríne qatań qūqyqtyq baǵa berílíp, kúdíktílerdíń tolyq qūramy túpkílíktí anyqtalady, — dedí Sanjar Ádílov.
Otyrysty qorytyndylaı kele, Úkímettík komıssıyanyń tóraǵasy Qanat Bozymbaev memleket qaza bolǵan áskerı qyzmetshílerdíń otbasylaryna qoldau kórsetu jóníndegí barlyq míndettemení tolyq kólemde óz moınyna alatynyn atap óttí. Zańda kózdelgen kepíldí tólemder kídíríssíz júzege asyrylady. Ár otbasyǵa tūraqty túrde atauly qoldau kórsetu úshín jauapty mamandar bekítíledí.
Sondaı-aq Qazaqstan Halyq Keńesíníń músheleríne, Qūryltaı deputattaryna, sayası partıyalarǵa, kásípkerlerge, metsenattarǵa jáne barlyq janashyr azamattarǵa kórsetken yntymaqtastyǵy úshín alǵys aıtyldy. Azamattyq bastamanyń arqasynda arnaıy qorǵa qajettí qarajat jınaqtaldy. Osyǵan baılanysty qarajat jınau jūmysy ayaqtaldy dep jarıyalandy.
Qor qarajatyn otbasylarǵa jáne zardap shekkenderge ashyq, atauly árí ádíl bólu maqsatynda Qazaqstan Halyq Keńesíníń múshesí, Mańǵystau oblysy Qoǵamdyq keńesíníń tóraǵasy Bekmūrat Júsípovtíń jetekshílígímen arnaıy komıssıya qūryldy.
Qūqyq qorǵau jáne memlekettík organdarǵa qarajattyń maqsatty jūmsaluyna qatań baqylau ornatu tapsyryldy.
Tergeu barysy men jan-jaqty kómek kórsetu jūmystary Úkímettík komıssıyanyń baqylauynda.