Almaty qalasy
Áńgímelesu barysynda logıstıka jáne elektrondy kommertsıya salasynda, sonyń íshínde «Bír beldeu, bír jol» bastamasyn íske asyru ayasynda ózara tıímdí yntymaqtastyq qūruǵa múmkíndík mol ekení atap ótíldí.
Prezıdenttíń aıtuynsha, elímíz 2030 jylǵa qaraı jalpy saudadaǵy elektrondy kommertsıyanyń úlesín 20 paıyzǵa deıín jetkízudí kózdep otyr. Memleket basshysy būl rette qytaılyq seríktestermen bírlese atalǵan míndettí merzímínen būryn oryndauǵa bolady dep sanaıdy.
.jpg)
Kezdesude Almaty SkyHub kólík-logıstıka habyn qūru jobasyna aıryqsha mán beríldí. Maqsat – Europalyq odaq, EAEO jáne Ortalyq Azıya elderíne shyǵatyn tauarlardy jedel rásímdeu. Osy bastama Qazaqstannyń ońtústík óńírínde kólík-logıstıka salasynyń damuyna tyń serpín bermek.
Memleket basshysy ıntellektualdy IT-sheshímderdí keńínen qoldanatyn árí logıstıka úderísín avtomattandyrǵan Qazpost-YTO bírlesken kásípornynyń jūmysyn oń baǵalady. Búgínge deıín YTO Express pen «Qazposhta» qūrǵan kásíporyn 12,5 mıllıon sálemdeme jóneltken.
Chjou Tszyan írí jobalardy júzege asyruǵa qoldau kórsetkení úshín Qasym-Jomart Toqaevqa alǵys aıtty. YTO Express atqarushy dırektory Qazaqstan Prezıdentíne kompanıyanyń tıímdí jetkízu tízbegín jolǵa qoyu, sondaı-aq logıstıka úderísín tsıfrlandyru tájírıbesí turaly málímet berdí.
Kezdesu barysynda Ven Peıchen bıyl qazan aıynda Qazaqstanda Pinduoduo kompanıyasymen bírlesken jobanyń íske qosylatynyn aıtty.