Almaty qalasy
Qasym-Jomart Toqaev korporatsıyanyń Almatyda bílím beruge jáne qyzmet kórsetuge arnalǵan robotty tehnıkalar shyǵaratyn zauyt ashu josparyna qoldau bíldírdí.
Prezıdent elímíz atalǵan kompanıyanyń Qytaıdan tysqary jerdegí alǵashqy óndírís alańy bolatynyn aıtty. Būl joba bıyl shílde aıynda Shanhaıda qol jetkízílgen uaǵdalastyqqa saı íske asyrylyp jatyr.
Kezdesude bílím salasyndaǵy seríktestík perspektıvasy talqylandy. Atap aıtqanda, UBTECH pen Qazaqstannyń tehnıkalyq joǵary oqu oryndary jáne kolledjderí arasynda júıelí yqpaldastyq ornatu múmkíndígí qaraldy. Būdan bólek, bírlesken qūzyret ortalyǵyn qūru ūsynyldy. Osy bastama ayasynda qazaqstandyq mamandar kompanıyanyń zertteu jáne óním ázírleu qyzmetíne qatysa alady.
Sonymen qatar UBTECH tehnologıyalaryn Alatau City jobasyna jan-jaqty engízu, tau-ken, mūnaı-gaz salalarynda jáne írí logıstıkalyq nysandarda robotty tehnıkalardy paıdalanu máselelerí qarastyryldy.
Chjun Yun tsıfrlandyru jáne jasandy ıntellekt salalaryna erekshe kóńíl bólgení úshín Memleket basshysyna alǵys aıtty. Būl baǵyttarda Qazaqstan eleulí tabysqa qol jetkízgenín atap óttí. Sondaı-aq UBTECH ókílí elímízde ashyq, ınklyuzıvtí árí naqty nátıjege baǵdarlanǵan damu ortasy qalyptasqanyn joǵary baǵalady. Onyń píkírínshe, bírlesken jobalardy júzege asyru yntymaqtastyq ayasyn keńeıtuge jáne tsıfrlyq tehnologıyalardy engízuge tyń serpín beredí.