Qaraǵandy qalasynda 12 qabatty tūrǵyn úıde bolǵan órt saldarynan er adam kóz jūmdy, dep habarlaıdy Aqshamnews.kz tílshísí.
Qaraǵandy oblysy Tótenshe jaǵdaılar departamentíníń málímetínshe, órt besínshí qabattaǵy páterde shyǵyp, jıhaz ben tūrmystyq zattar janǵan.
Qūtqarushylardyń kúshímen podezdegí páterlerden arnaıy qūtqaru qalpaqtarynyń kómegímen 8 adam, onyń íshínde 5 bala aman shyǵaryldy.
Sondaı-aq baspaldaq arqyly 15 adam evakuatsıyalanǵan. Alaıda órt saldarynan 1997 jyly tuǵan er adam tútínge ulanyp, qaıtys boldy.
Evakuatsıyalanǵan tūrǵyndardy jylytu úshín kóshede arnaıy «vahtovka» kólígí jūmyldyryldy.
Órt 5 sharshy metr aumaqta sóndíríldí. Qazírgí uaqytta oqıǵanyń sebepterí anyqtalyp jatyr.