Qaraǵandy oblysynda ákesíníń páterínde qarasora ósírgen tūrǵyn anyqtaldy, – dep habarlaıdy aqshamnews.kz tílshísí Polisia.kz-ke sílteme jasap.
Qaraǵandy oblysynda polıtseıler 70 jastaǵy zeınetkerdíń páterínen zańsyz ūıymdastyrylǵan qarasora ósíru ornyn áshkereledí. Tíntu barysynda úı jaǵdaıynda arnaıy jabdyqtarmen ósírílgen qarasora būtalary tabyldy. Aldyn ala málímetterge sáıkes, būl ósímdíkter páter ıesíníń 33 jastaǵy ūlyna tıesílí.
Onyń aıtuynsha, ol kúz mezgílínde qarasora tūqymdaryn ákelíp, ákesíníń páterínde shaǵyn jylyjaı ūıymdastyrǵan. Tártíp saqshylary qarasora ósírílgen qūmyralardy, ósímdíkterge qajet mıkroklımatty qamtamasyz etetín qūral-jabdyqtardy, sondaı-aq qaǵazǵa oralǵan keptírílgen ósímdíkterdí zattaı dálel retínde tárkíledí. Zeınetkerdíń ūly tūqymdardyń ózíne tıesílí ekenín rastady. Onyń málímdeuínshe, qarasorany jeke paıdalanu maqsatynda ósírgen.
Sondaı-aq, kúdíktí esírtkí zattaryn bírshama uaqyt boıy tūtynyp júrgenín moıyndady. Būl derek boıynsha qylmystyq ís qozǵaldy. Qazír kúdíktíníń esírtkí zattaryn medıtsınalyq emes maqsatta tūtynu deregín anyqtau úshín tıístí saraptamalar taǵaıyndaldy. Saraptama nátıjesíne sáıkes, zań ayasynda tıístí sheshím qabyldanady.
Tergeu amaldary jalǵasyp jatyr.