Úkímet 2025 jylǵy 31 jeltoqsanda bekítken satuǵa jáne ımportqa baılanysty salyq salynatyn aınalymǵa QQS mólsherlemesí qoldanylatyn dárílík zattardyń, medıtsınalyq būıymdardyń, olardyń jınaqtaushy bólshekteríníń, sondaı-aq tehnıkalyq qosalqy qūraldardyń tízbesíne engízílgen tauarlarǵa QQS mólsherlemesí 2026 jylǵy 1 qańtardan bastap – 5%, al 2027 jylǵy 1 qańtardan bastap – 10% kólemínde qoldanylady.
Tízbege Eurazıyalyq ekonomıkalyq odaqtyń Syrtqy ekonomıkalyq qyzmet tauar nomenklaturasynyń (EAEO SEQ TN) kodtary kórsetílgen 242 tauarlyq pozıtsıya engízílgen.
Atap aıtqanda, tízbe mynadaı negízgí tauar toptaryn qamtıdy:
et jáne taǵamdyq et ónímderí men subónímder;
basqa jerde atalmaǵan nemese engízílmegen januar tektí ónímder;
ūn-jarma ónerkásíbíníń ónímderí, uyt, krahmal, ınulın, bıdaı kleıkovınasy;
maıly daqyldardyń tūqymdary men jemísterí, ózge de tūqymdar, dánder, dárílík jáne tehnıkalyq maqsattaǵy ósímdíkter, saban men mal azyǵy;
tabıǵı tazartylmaǵan shellak, kamedter, shaıyrlar jáne ósímdík shyryndary men ekstrakttary;
januar nemese ósímdík tektí maılar men maı ónímderí, daıyn taǵamdyq maılar, balauyzdar;
qant jáne qanttan jasalǵan kondıterlík ónímder;
kakao jáne kakao ónímderí;
túrlí taǵam ónímderí;
alkogoldí jáne alkogolsíz susyndar, sírke suy;
tūz, kúkírt, jer men tas, ák, tsement jáne sylaq materıaldary;
beıorganıkalyq jáne organıkalyq hımıya ónímderí, onyń íshínde baǵaly jáne sırek jer metaldarynyń, radıoaktıvtí elementter men ızotoptardyń qosylystary;
farmatsevtıkalyq ónímder;
tyńaıtqyshtar;
boyaǵysh jáne ıleu ekstrakttary, boyaular, laktar, polıgrafıyalyq boyaular, sıya men tush;
efır maılary, parfyumerıyalyq, kosmetıkalyq jáne gıgıenalyq qūraldar;
sabyn, juǵysh zattar, maılau materıaldary, jasandy jáne daıyn balauyzdar, tazalau jáne jyltyratu qūraldary, stomatologıyalyq balauyzdar men qūramdar;
aquyzdy zattar, modıfıkatsıyalanǵan krahmaldar, jelímder, fermentter;
foto jáne kıno tauarlary;
ózge de hımıyalyq ónímder;
plastmassalar jáne olardan jasalǵan būıymdar;
kauchuk, rezeńke jáne rezeńke būıymdar;
óńdelmegen teríler (tabıǵı ań terísínen basqa) jáne bylǵary;
qaǵaz, karton jáne olardan jasalǵan būıymdar;
maqta;
kıíz, fetr jáne toqyma emes materıaldar, jípter, arqan-jíp būıymdary;
trıkotajdan jáne trıkotajsyz tígílgen kıímder men kıímge arnalǵan būıymdar;
ózge daıyn toqyma būıymdary, jıyntyqtar, paıdalanylǵan kıímder men toqyma būıymdary;
tas, gıps, tsement, asbest, slyuda jáne ūqsas materıaldardan jasalǵan būıymdar jáne basqa da tauarlar.
Tízbege berílgen eskertpede kórsetílgendeı, atalǵan QQS mólsherlemelerí mynadaı sharttar oryndalǵan jaǵdaıda qoldanylady:
farmatsevtıkalyq nemese medıtsınalyq qyzmettí júzege asyruǵa lıtsenzıyanyń boluy nemese medıtsınalyq būıymdardy kóterme saudada ótkízuge qatysty qyzmettíń bastalǵany ne toqtatylǵany turaly habarlamany qabyldau jóníndegí talonnyń boluy;
dárílík zattardyń Qazaqstan Respublıkasynyń aumaǵynda tírkeluí;
tírkelmegen dárílík zattardy ımporttau kezínde tıístí rūqsat qūjatynyń boluy;
tauarlardyń maqsatty paıdalanyluyn rastaıtyn qūjattardyń boluy.
Atalǵan qauly 2026 jylǵy 1 qańtardan bastap qoldanysqa engízíledí.