Byltyr 1757 reseılík Qazaqstan azamattyǵyn alǵan, – dep habarlaıdy aqshamnews.kz tílshísí.
Íshkí íster mınıstrlígí Kazinform agenttígíne osyndaı derek ūsynǵan.
"2025 jyly Qazaqstan Respublıkasyna 15 956 571 shetel azamaty kíríp, 15 893 091-í shyqqan (2024 jyly 15 454 808 shetel azamaty kíríp, 15 414 762 shyqqan", – dep jazylǵan jauapta.
ÍÍM deregíne súıensek, 2025 jyly 113 myń 961 shetel azamaty kóshí-qon zańnamasyn būzǵany úshín ákímshílík jauapkershílíkke tartylyp, 18 myń 872 sheteldík Qazaqstan aumaǵynan shyǵarylǵan. Al 2024 jyly 97 myń 229 shetel azamaty kóshí-qon zańnamasyn būzyp, 14 myń 124-í el aumaǵynan shyǵarylǵan bolatyn.
Mınıstrlíktegíler byltyr Qazaqstanda tūruǵa yqtıyarhat alǵan Reseı azamattarynyń sany 8148 adam bolǵanyn atap óttí (2024 jyly – 9761).
"2025 jyly būryn Reseı Federatsıyasynyń azamaty bolǵan 1757 adam Qazaqstan Respublıkasynyń azamattyǵyn aldy (2024 jyly – 2148)", – delíngen resmı saualǵa arnalǵan jauapta.