«Jasampaz AI» jobasy úsh baǵyt boıynsha júzege asyrylady, dep habarlaıdy aqshamnews.kz tílshísí.
«Ádílet» partıyasynyń jastar qanaty elímízdíń barlyq 20 óńírín qamtıtyn «Jasampaz AI» respublıkalyq jobasyn íske qosty. Jobaǵa shalǵaı auyldardyń tūrǵyndaryn qosa alǵanda, 270 myńnan astam adamdy tartu josparlanyp otyr. Qatysushylar tsıfrlyq servıster men jasandy ıntellekt qūraldaryn paıdalanudy, túrlí kontent jasaudy jáne óz jobalaryn ázírleudí úırenedí.
«Jasampaz AI» jobasy – «Ádílet» partıyasynyń Prezıdent Joldauynda qoıylǵan míndetterdí íske asyru baǵytyndaǵy jūmysynyń bír bólígí. Joba halyqtyq tsıfrlyq ekonomıkany damytuǵa jáne zamanauı tehnologıyalardy azamattarǵa qoljetímdí etuge baǵyttalǵan.
Partıya saılaualdy baǵdarlamasynda kemínde 5 mıllıon qazaqstandyqqa jasandy ıntellektpen jūmys ísteu daǵdylaryn úıretudí kózdegen. «Jasampaz AI» osy míndettí ís júzínde oryndauǵa arnalyp otyr. Būl rette auyl jastaryna erekshe kóńíl bólínedí. Maqsat – zamanauı tehnologıyalar men bílím alu múmkíndíkterín tūrǵylyqty jeríne qaramastan, barshaǵa qoljetímdí etu.
Alǵashqy ís-sharalar Batys Qazaqstan oblysy men Shymkent qalasynda óttí. Batys Qazaqstan oblysynda ūıymdastyrylǵan «Halyqqa arnalǵan tsıfrlyq keńsedegí AI» sheberlík sabaǵynda qatysushylar zamanauı memlekettík qyzmettermen tanysty. Jastar halyqqa qyzmet kórsetu ortalyqtarynda tsıfrlyq qyzmetterdí óz betínshe aludy, sonyń íshínde arnaıy termınaldar arqyly jeke kuálík pen pasport rásímdeudí úırendí.
«Jastar Ruhy» jastar qanatynyń Batys Qazaqstan oblystyq fılıalynyń tóraǵasy Erlík Shamǵalı mūndaı sabaqtar jastardyń tsıfrlyq tehnologıyalardy kúndelíktí ómírde erkín paıdalanuyna kómektesetínín atap óttí.
«Sheberlík sabaǵynda jastar memlekettík qyzmetterdí tsıfrlyq formatta aludyń tıímdí joldaryn tájírıbe júzínde meńgerdí. Búgínde kóptegen qyzmet avtomattandyrylǵan. Mysaly, qūjat rásímdeuge arnalǵan jańa termınaldar uaqytty edáuír únemdeuge múmkíndík beredí. Bízdíń maqsatymyz – jastarǵa osyndaı tehnologıyalardy meńgertíp, olardy kúndelíktí ómírde erkín qoldanuǵa kómektesu», – dedí jastar qanatynyń ókílí.
Shymkentte qalalyq ákímdíkpen bírlesíp ūıymdastyrylǵan JI-dí bıznes, medıtsına jáne tehnologıyalyq ázírlemeler salalarynda qoldanu múmkíndíkteríne arnalǵan forum óttí. Qatysushylar startaptar men mashınalyq oqytudy damytu máselelerín talqylap, MedTech Startup Battle baıqauy men Decentrathon hakatonynda óz jobalaryn tanystyrdy.
Forumǵa qatysqan Arlen Asylbekūlynyń aıtuynsha, alǵan bílímí jastarǵa sūranysqa ıe mamandyqtardy meńgeruge jáne óz bastamalaryn damytuǵa kómektesedí.
«Bíz jasandy ıntellekt qūraldaryn kúndelíktí ómírde, oquda jáne jūmysta qoldanudy tájírıbe júzínde úırendík. Mūndaı bílím jastarǵa eńbek naryǵynda sūranysqa ıe daǵdylardy meńgeruge, jańa mamandyqtardy ıgeruge jáne bolashaqta óz kásíbín ashuǵa kómektesedí dep oılaımyn. Sondyqtan osyndaı oqytu sharalary bíz úshín óte paıdaly», – dedí ol.
«Jasampaz AI» jobasy úsh baǵyt boıynsha júzege asyrylady.
AI Academy ayasynda 50 myńnan astam jas bílím alady. Qatysushylar jasandy ıntellektíníń kómegímen mátín, suret, prezentatsıya jáne beınerolık jasaudy, sondaı-aq tsıfrlyq servıster men mobıldí túsírílím qūraldaryn paıdalanudy úırenedí.
AI Challenge 20 myńnan astam qatysushyny bíríktíredí. Olar alǵan bílímderín shyǵarmashylyq jáne tehnologıyalyq jobalardy ázírleude qoldana alady. Baıqaudyń 20 óńírlík jáne bír respublıkalyq kezeńín ótkízu josparlanǵan.
AI Auylǵa baǵyty auyl tūrǵyndarynyń tsıfrlyq daǵdylaryn damytuǵa arnalǵan. Oqytu Qazaqstannyń myńnan astam auylyndaǵy 200 myńnan astam mūǵalím men oqushyny qamtıdy. Qatysushylarǵa jasandy ıntellektíní, onlaın servıster men bílím beru platformalaryn oqu barysynda jáne kúndelíktí ómírde qoldanu joldary úıretíledí.
Aldaǵy uaqytta «Ádílet» partıyasynyń jastar qanaty elímízdíń barlyq óńírínde oqytu sabaqtaryn, tájírıbelík sheberlík sabaqtary men tehnologıyalyq baıqaulardy kezeń-kezeńímen ótkízudí josparlap otyr.
«Jasampaz AI» jobasy tsıfrlyq daǵdylardy úıretudí, jastardyń tehnologıyalyq bastamalaryn qoldaudy jáne zamanauı bílím alu múmkíndíkterín, sonyń íshínde auyldyq jerlerde de keńeıtudí kózdeıdí.








