Almatyda búgín aua raıy janǵa jaıly, beıne qys ortasynda kóktemníń jyly lebí kelgendeı. Soǵan saı qala tūrǵyndarynyń kóńíl-kúıí de kóteríńkí, jańa jyldy osy jyly leppen qarsy alǵysy keledí. Kóshelerde merekelík qarbalas, tūrǵyndardyń júzínde quanysh pen shattyq aıqyn baıqalady.
Búgín qalanyń basty merekelík sharasy – Jańa jylǵa arnalǵan úlken kontsert «Astana» alańynda ótedí. Qazírgí uaqytta alańda sahna tolyq ornatylyp, tehnıkalyq jáne shyǵarmashylyq daıyndyq jūmystary támamdalǵan. Keshkílík qala tūrǵyndary men qonaqtaryn áserlí kontserttík baǵdarlama kútíp tūr.
Merekeníń qauípsíz árí kóńíldí ótuí úshín barlyq qajettí sharalar qarastyrylǵan. Alań mańynda kommunaldyq qyzmetter, polıtsıya jáne Tótenshe jaǵdaılar qyzmetíníń mamandary jūmyldyrylyp, qoǵamdyq tártíp pen qauípsízdík baqylauda bolady.
Almaty jańa jyldy bírge, bír kóńílmen qarsy aluǵa daıyn. Jyly atmosfera, ásem muzyka men merekelík kóńíl kúı – búgín «Astana» alańynda!