Almatylyq “Qaırat” fýtbol klýbynyń bas bapkeri Rafael Orazbahtın komandanyń negizgi qaqpashysy Aleksandr Zarýskıı endi klýb sapynda óner kórsetpeıtinin rastady, dep habarlaıdy Aqshamnews.kz tilshisi.
Bul týraly ol “Qaırat” pen “Olımpıakos” arasyndaǵy kezdesý aldyndaǵy baspasóz máslıhatynda málimdedi.
“Aleksandr Zarýskııdiń “Qaıratpen” kelisimsharty aıaqtaldy”, – dep qysqa ǵana jaýap berdi bas bapker.
Eske salaıyq, Zarýskıı “Qaırattyń” syrt alańda “Seltıkke” qarsy ótken oıynynda aýyr jaraqat alyp, sodan beri jasyl alańǵa oralǵan joq. Keıin “Seltıkke” qarsy Almatyda ótken machte qaqpany Temirlan Anarbekov qorǵady.
Aleksandr Zarýskıı Chempıondar lıgasynyń pleı-off kezeńinde erekshe kózge túsken qaqpashylardyń biri boldy. Ol irikteý oıyndarynda “Qaırattyń” qaqpasyn birneshe goldan aman saqtap, penaltı serıalarynda da birneshe soqqyny qaıtaryp, komandaǵa úlken kómegin tıgizdi. Sonymen qatar klýbtyń Chempıondar lıgasynyń negizgi kezeńine joldama alýyna zor úles qosty.