Qazaqstandyq "Qaırat" futzal kluby álemdegí eń úzdík komanda nomınatsıyasy boıynsha bedeldí Futsal Awards syılyǵynyń úmítkerlerí qataryna endí, - dep habarlaıdy aqshamnews.kz tílshísí premıyanyń baspasóz qyzmetíne sílteme jasap.
Almatylyqtardan bólek, tízímge túrlí elder men qūrlyqtardan taǵy toǵyz komanda kírdí. Osylaısha, "Qaırat" 2025 jyldyń álemdegí úzdík 10 klubynyń bírí atandy.
Futsal Awards 2025 syılyǵynyń nomınanttary:
-
"Lıssabon" (Portugalıya);
-
"Bıntang Tımur Surabaya" (Úndístan);
-
"Boka Hunıors" (Argentına);
-
"Hongem Taham" (Taıland);
-
"Djaragua" (Brazılıya);
-
"Qaırat" (Qazaqstan);
-
"Katanıya" (Italıya);
-
"Palma" (Ispanıya);
-
"Penyarol" (Urugvaı).
Jeńímpaz 7 qańtarda ótetín saltanatty rásímde jarıyalanady.
"Qaırat" qalaı úzdík klubtar qataryna endí?
Eske salaıyq, Almatynyń futzal kluby - álemdegí eń tıtuldy belsendí komandalardyń bírí. "Qaırat" UEFA kubogyn ekí ret jeńíp alǵan jáne Chempıondar lıgasynyń sheshushí kezeńderíne tūraqty túrde qatysyp keledí.
Ótken mausymda almatylyqtar Europanyń basty klubtyq turnıríníń fınalyna deıín jetíp, tek "Palmaǵa" ǵana jol berdí.
Sondaı-aq, "Qaırat" Qazaqstan chempıonatyn 21 ret jeńíp alǵan jáne bıylǵy mausymda da turnır kestesínde kósh bastap tūr.
Aıta keteıík, bıyl futzaldan Chempıondar lıgasynda 1/4 fınalǵa Qazaqstannan bírden ekí komanda shyqty — "Qaırat" pen "Semeı". 23 aqpanda almatylyqtar ıspanıyalyq "Kartahenamen", al semeılík komanda frantsuzdyń "Etualímen" kezdesudí bastaıdy.
Būǵan deıín Qazaqstan qūramasynyń futzaldaǵy kóshbasshylarynyń bírí Leo Jaragua brazılıyalyq klubqa auysqany habarlanǵan edí.