Byltyr Qazaqstanda zańsyz ūtys oıyndaryn ūıymdastyrǵan 121 adam ákímshílík jauapkershílíkke tartylyp, aıyppūl tólegen. Olardyń arasynda áleumettík jelíde lotereya oınatqan tanymal blogerler de bar, dep habarlaıdy Aqshamnews.kz tílshísí.
Turızm jáne sport mınıstrlígíníń Oıyn bıznesín jáne lotereyany retteu komıtetí áleumettík jelíler men onlaın-platformalardy tūraqty túrde baqylap otyratynyn málímdedí. Vedomstvonyń habarlauynsha, monıtorıng nátıjelerí jáne azamattardan túsken ótíníshter negízínde 2025 jyly 121 adam Ákímshílík qūqyqbūzushylyq turaly kodekstíń 445-1-baby 6-bólígí boıynsha jauapqa tartylǵan.
Mınıstrlík zańsyz ūtys oıyndaryn ótkízgen akkaunttardyń tízímí resmı saıtta jarıyalanǵanyn atap óttí. Atalǵan tízímde «Supermamasıta» laqap atymen tanymal Álıya Baıtuǵaeva, bloger Mereke Qalbaeva, Tūrsynbek Qabatovtyń būrynǵy jūbaıy Móldír Mūqanova, Justking31 atymen belgílí Nūrbek Nūrtaza jáne onyń jūbaıy, bloger Darhan Jolshybekov jáne ózge de tūlǵalar bar.
Eske sala keteıík, ÁQBtK-níń 445-1-baby 6 jáne 7-bólíkteríne sáıkes, lotereya operatory bolyp tabylmaıtyn tūlǵa lotereya ótkízse, jeke tūlǵalarǵa 100 AEK, al shaǵyn kásípkerlík subektíleríne (JK) 300 AEK aıyppūl salynady. Eger būl qūqyqbūzushylyq bír jyl íshínde qaıtalansa, jeke tūlǵalar 200 AEK, al shaǵyn kásípkerlík subektílerí 750 AEK tóleıdí. Sonymen bírge lotereyadan túsken tabys tárkílenedí.