Armenıa premer-mınıstri Nıkol Pashınánmen birlesken BAQ ókilderine arnalǵan brıfıńte Qazaqstan Prezıdenti Qasym-Jomart Toqaev AQSH prezıdenti Donald Tramptyń Ýkraınadaǵy jaǵdaıdy retteýge baǵyttalǵan kúsh-jigerin qoldaıtynyn málimdedi, - dep habarlaıdy Aqshamnews.kz tilshisi.
Memleket basshysynyń aıtýynsha, taraptar óńirlik jáne halyqaralyq kún tártibindegi ózekti máseleler boıynsha pikir almasyp, kóptegen suraqta ustanymdarynyń uqsas ekenin atap ótken.
«Qazirgi kúrdeli geosaıası jaǵdaıda men AQSH prezıdenti Donald Tramptyń Ýkraınadaǵy ahýaldy retteýge baǵyttalǵan áreketterin jáne onyń usynǵan josparyn qoldaımyn. Qazaqstan Armenıa men Ázerbaıjannyń beıbit kelisimge kelýge degen ortaq umtylysyn tolyq quptaıdy», – dedi Qasym-Jomart Toqaev.