Qasym-Jomart Kemelūly Toqaevtyń «Túrkístan gazetíne» bergen «Qazaqstan jańǵyrudyń jańa kezeńíne qadam basty» atty sūhbaty búgíngí qoǵamnyń jaı-kúıín tarazylap, el damuynyń aldaǵy baǵytyn aıqyndap berdí.
Sūhbat barysynda Memleket basshysy júrgízílíp jatqan reformalardyń mání men mańyzyn ashyp kórsetíp, olardyń túpkí maqsaty – ádílettí memleket, ınklyuzıvtí ekonomıka jáne jauapty qoǵam qalyptastyru ekenín naqty atap óttí.
Prezıdent erekshe mán bergen basym baǵyttardyń bírí – áleumettík ádílettílík pen teń múmkíndík. Baı men kedeı arasyndaǵy alshaqtyqty azaıtu, tabysty ádíl bólu, áleumettík qoldaudyń naqty mūqtaj azamattarǵa jetuín qamtamasyz etu – memlekettíń basty míndetí ekení sūhbat barysynda naqty aıtyldy. Būl – qoǵamnyń eń ózektí sūranystaryna berílgen shynaıy árí batyl jauap. Sonymen qatar Memleket basshysy bílím men ǵylymdy, mádenıet pen ruhanıyatty ūlttyń ūzaq merzímdí damuynyń ózegí retínde qarastyrady. Eldíń bolashaǵy tek ekonomıkalyq kórsetkíshtermen emes, eń aldymen adam kapıtalynyń sapasymen, tárbıelí árí jauapkershílígí joǵary azamattarmen ólshenetíní naqty atap ótíldí. Osy oraıda mūǵalímder men mádenıet qyzmetkerleríníń mártebesín kóteru, bílím sapasyn arttyru strategıyalyq basymdyq bolyp qala bermek.
Sūhbatta zań ústemdígí, ádíl sot júıesí jáne jemqorlyqpen júıelí kúres máselelerí de keńínen qozǵaldy. Memleket tek talap qoyatyn emes, zań aldynda ózí de jauap beretín qūrylymǵa aınaluy tıís degen oı – azamattardyń memleketke degen senímín nyǵaıtudyń basty alǵysharty ekení sózsíz.
Óńírlerdíń teń damuy, auyldy qoldau, ınfraqūrylymdy jańǵyrtu máselelerí de sūhbatta naqty kórínís tapty. Būl baǵyttaǵy bastamalar óńírlerdíń áleuetín tolyq paıdalanyp, áleumettík jáne mádenı ınfraqūrylymdy damytuǵa múmkíndík beretíní anyq. Sondaı-aq Prezıdent qoǵamdyq dıalog pen azamattyq jauapkershílíktíń mańyzyn erekshe atap ótíp, Jańa Qazaqstandy tek bılík emes, búkíl qoǵam bolyp bírlese qūru qajettígín basa aıtty. Árbír azamat el taǵdyryna beıjaı qaramaı, reformalardyń belsendí qatysushysyna aınaluy tıís degen mańyzdy úndeu jasaldy.
Memleket basshysynyń būl sūhbaty jańǵyrudyń jańa kezeńíne qadam basqan Qazaqstannyń aıqyn baǵytyn, memlekettíń halyq aldyndaǵy jauapkershílígín jáne ortaq maqsatqa negízdelgen damu fılosofıyasyn kórsetetín mańyzdy sayası málímdeme boldy. Prezıdent belgílegen sara jol – eldíń tūraqty damuy men ūlt bolashaǵyna bastaıtyn senímdí baǵdar. Osy jolda bírlese eńbek etu – barshamyzdyń azamattyq boryshymyz.