BJZQ portfelín ártaraptandyru nátıjesínde zeınetaqy aktıvterí men ınvestıtsıyalyq kírís kólemí ósken
Memleket basshysy Ūlttyq bank tóraǵasynyń bıylǵy 10 aıdaǵy aqsha-kredıt sayasatyn íske asyrudyń aldyn ala qorytyndysy jáne álemdegí ınflyatsıyalyq qysymnyń kúsheıíp, azyq-túlík baǵasynyń qymbattaı túskení turaly esebín tyńdady. Sonymen qatar Qasym-Jomart Toqaevqa Halyqaralyq valyuta qorynyń ınflyatsıyany tūraqtandyru jóníndegí boljamdary, sondaı-aq damyǵan elderdíń yntalandyru sayasatynan beıtarap sayasatqa kóshuíne baılanysty damushy naryqtardan kapıtaldyń jylystau qaupí bar ekení aıtyldy, Almaty-akshamy.kz Aqordanyń resmı saıtyna sílteme jasap.
Kezdesu barysynda Úkímetpen bírlesíp, ınflyatsıyaǵa tótep beru jóníndegí sharalar keshenín júzege asyruǵa qatysty Prezıdent tapsyrmalarynyń oryndalu barysy, sondaı-aq azyq-túlík baǵasynyń ósuí bolar-bolmas bayaulaǵanyna baılanysty qazan aıyndaǵy jyldyq ınflyatsıyanyń deńgeıí 8,9 paıyz bolǵany turaly aqparat beríldí.
Erbolat Dosaev Qasym-Jomart Toqaevqa bıylǵy 9 aıda qalyptasqan tólem balansynyń aldyn ala baǵalau kórsetkíshí turaly málímet ūsyndy. Baǵalauǵa sáıkes sauda balansynyń jaqsaruyna baılanysty tólem balansynyń tapshylyǵy 3 mıllıard AQSh dollaryna deıín tómendegen. Tūtynushylyq ımporttyń ósuí tólem balansynyń odan árí jaqsaruyn tejeıdí.
Prezıdentke altyn baǵasynyń qymbattauy esebínen altynvalyuta qory aktıvteríníń ósuí jónínde jáne jyl basynan berí Ūlttyq qordaǵy ınvestıtsıyalyq kírístíń 2 mıllıard AQSh dollaryna (3,44%) deıín qaıta qalpyna kelgení turaly aqparat beríldí.
Ūlttyq banktíń derekteríne sáıkes BJZQ portfelín ártaraptandyru nátıjesínde zeınetaqy aktıvterí men ınvestıtsıyalyq kírís kólemí ósken.
Sonymen qatar Erbolat Dosaev Memleket basshysynyń tapsyrmasyn oryndau maqsatynda Ūlttyq tólem júıesín pılottyq rejımde íske qosuǵa daıyn ekenín jetkízdí.
Kezdesu sońynda Qasym-Jomart Toqaev Ūlttyq bank tóraǵasyna bírqatar naqty tapsyrma berdí.