Qazaqstanda 2040 jylǵa qaraı aýyz sý tapshylyǵy 50% deıin jetýi múmkin – senator
Ekologıa máselesi búgin Senatta da kóterildi. Depýtat Ábdáli Nuralıev Premer-mınıstr Asqar Mamınniń atyna sý tapshylyǵyna qatysty depýtattyq saýal joldady, dep habarlaıdy Almaty-akshamy.kz «Almaty» telearnasynyń saıtyna silteme jasap.
Depýtattyń aıtýynsha Qazaqstanda 2040 jylǵa qaraı aýyz sý 50 paıyzǵa deıin tapshy bolýy múmkin. Onyń sózinshe, elimizdiń taý kólderine «Qazgıdromet» RMK júrgizgen kóp jyldyq baqylaý nátıjesi boıynsha ótken jyly qar jamylǵysy aıtarlyqtaı tómendegen.
Senator óziniń depýtattyq saýalynda birqatar naqty qadamdardy usyndy, olardyń oryndalýy osy máseleni sheshýge kómektesýi tıis.
«Sý resýrstarynyń boljamdy tapshylyǵyn azaıtý maqsatynda elimizde jerasty sý qorlaryn zertteý men qaıta baǵalaýdy jandandyrý qajet. Sondaı-aq uńǵymalardy qazýǵa bólinetin sýbsıdıalardyń kólemin ulǵaıtý kerek. Odan basqa, Qazaqstannyń birqatar oblystaryn sýmen qamtamasyz etip otyrǵan Shý jáne Talas ózenderiniń boıynan Qyrǵyz Respýblıkasynyń «Býrýldaı» sý qoımasy men «Bala-Sarýý» GES-in salý josparlaryna baılanysty tıisti sharalardy qaraý qajet», – dedi QR Parlamenti Senatynyń depýtaty Ábdáli Nuralıev.