Jolaushylar tasymaly» AQ temírjol kólígínde tasymaldauǵa tyıym salynǵan zattar turaly jolaushylarǵa eske salady.
Qazaqstan Respublıkasynyń zańnamasyna sáıkes, qauíptí jáne tyıym salynǵan zattardy poıyzǵa alyp ótu áreketí qylmystyq jauapkershílíkke ákep soǵady, dep habarlaıdy Aqshamnews.kz Rail-news.kz-ke sílteme jasap.
Poıyzǵa qandaı zattardy alyp ótuge bolmaıdy?
- Jarylǵysh zattar men qūrylǵylar, sondaı-aq pırotehnıkalyq būıymdar: salyutter, feıerverkter jáne jarylys qaupí bar ózge de zattar.
- Radıoaktıvtí, esírtkílík jáne psıhotroptyq zattar, sondaı-aq tez tūtanatyn sūıyqtyqtar men hımıyalyq qospalar: mysaly, benzın, metıl efırí, metanol jáne sol sıyaqty qauíptí zattar.
- Tūtanǵysh qatty zattar. Uly, kúshtí áser etetín jáne ulandyrǵysh zattar (sūıyq nemese qatty kúıde).
- Infektsıyalyq nemese bıologıyalyq tūrǵydan qauíptí materıaldar: jūqpaly auru tudyruy múmkín zattar men olardy qamtıtyn būıymdar.
- Barlyq túrdegí qaru-jaraq: atys qaruy, laqtyrmaly, elektrlí, mehanıkalyq, gazdy jáne travmatıkalyq qaru, sondaı-aq, suyq qaru: pyshaqtar, qanjarlar, shtyk, qylysh, palash, yatagan, tesakı, kastet, kısten, stılet, shashka, semser jáne soqqy-drobyashchıı áserí bar ózge de zattar.
- Oq-dáríler men patrondar: soǵysqa arnalǵan, jaryq-dybystyq, holostyq, travmatıkalyq áserí bar, ańshylyqqa arnalǵan jabdyqtalǵan patrondar jáne basqa da atuǵa jaramdy snaryadtar.
Sapar aldynda jolaushylar vokzaldarda míndettí túrde qauípsízdík tekseruínen ótedí. Búgínde elímízdíń írí temírjol vokzaldary rentgen-televızıyalyq qondyrǵylarmen, statsıonarlyq jáne qol metall detektorlarymen, sondaı-aq portatıvtí anyqtau qūrylǵylarymen tolyq jabdyqtalǵan. Sonymen qatar, beınebaqylau, dabyl beru jáne kúzet júıelerí úzdíksíz jūmys ísteıdí. Jolaushylardyń qauípsízdígín táulík boıy polıtsıya qyzmetkerlerí men kúzet ūıymdarynyń ókílderí qamtamasyz etedí.
Jolaushylar tasymalyndaǵy qauípsízdíktí kúsheıtu maqsatynda poıyzdarda beınebaqylau júıesí kezeń-kezeńímen engízílude. Qazírgí uaqytta Talgo poıyzdarynyń 630 vagonyna (24 qūram) 1 350 beınekamera ornatylǵan. Sonymen qatar 19 baǵytta júretín 46 meıramhana jáne bar-vagonda qosymsha 92 kamera íske qosyldy. Barlyq beınematerıaldar Sıtuatsıyalyq ortalyqqa tíkeleı túsíp, onda mamandar árbír tótenshe nemese standarttan tys jaǵdaıdy jedel taldap, tıístí sheshímder qabyldaıdy.
Kompanıya jolaushylardy bekítílgen erejelerdí saqtauǵa jáne qauípsíz árí jaıly sapardy qamtamasyz etuge baǵyttalǵan sharalarǵa túsínístíkpen qarauǵa shaqyrady.