«Petroglıf ízshílerí» qorynyń eríktílerí 2025 jyly 27 ekspedıtsıyaǵa shyǵyp, Almaty, Jambyl men Jetísu oblysynda petroglıfterdíń 11 jańa shoǵyryn, sondaı-aq būryn belgísíz bolyp kelgen erte temír dáuírí men túrkí kezeńíne jatatyn ondaǵan qonys pen qorymdy, XVIII–XIX ǵasyrǵa tıesílí qazaqtyń onnan astam rulyq zıratyn anyqtaǵan.
Óńírlík kommunıkatsıyalar qyzmetínde ótken baspasóz máslıhatynda osylar turaly bayandap berdí, - dep habarlaıdy Aqshamnews.kz.
Qor ókílderíníń aıtuynsha, bıyl ǵylymı ortaǵa būrynnan belgílí jerlerdíń ózínen bíraz jańa petroglıf tabylǵan. Jalpy alǵanda, arheologıyalyq eskertkíshter tízímíne enbegen jıyrmaǵa juyq qorym tírkelíptí osy joly. Korǵandardyń jalpy sany 300-den asady. Olardyń arasynda Amanbókter shoǵyryndaǵy petroglıfter, Bayanjúrek mańyndaǵy jańa top, sondaı-aq Qyzylaǵash auylynyń mańyndaǵy jazyq pen Jetísu oblysynyń Aqtekshe auyly janyndaǵy Mūqyr shatqalynan tabylǵan jartastaǵy suretter de bar.
Eríktílerdíń aıtuynsha, zertteuge shalǵaıdaǵy auyl tūrǵyndary da kóp úles qosqan. Áleumettík jelí men BAQ-ta únemí kóríníp otyratyndyqtan, qorǵa auyl tūrǵyndarynan osyndaı oryndar turaly bíraz habarlama kelíp túsíptí. Būl tasada qalǵan qanshama eskertkíshtíń tabyluyna múmkíndík berdí.
Qordyń atqarushy dırektory Olga Gumırova: «Petroglıf ízshílerí» jobasyndaǵy eń basty resurs – adam. Qorymyzda eríktí bolyp júrgenderdíń árqaısysy ártúrlí salada kelgen. Ásírese, jyl ótken saıyn ízdeu jūmysyna auyl men alys eldímekenníń tūrǵyndary kóp aralasyp jatqanyn kóríp quanyp qalasyń. Árkím ózíníń tuǵan jeríníń tarıhyn búkíl álem bílse eken deıdí ǵoı. Būl – naǵyz patrıotızm», - deıdí Olga Gumırova.
Komanda elímízdíń tarıhı-mádenı mūrasyn da nasıhattaıdy: 2025 jyly segíz ashyq lektsıya, bes baspasóz tury men balalarǵa arnalǵan úsh ís-shara ótken.
«Qazaqstan – petroglıfter elí» jobasynyń negízín qalaǵandardyń bírí Yurıı Dorohov aǵartushylyq jūmystyń mańyzyna toqtaldy: «PR salasynyń mamany retínde aıtarym: Qazaqstanda qandaı tarıhı qazyna jasyruly jatqanyn halyq neǵūrlym kóbírek bílse, naǵyz patrıottar da soǵūrlym kóp shyǵar edí. Būl ásírese jastarǵa óte kerek dúnıe».
Jıynda eskertkíshtí baqylau men tírkeuden bastap, jergílíktí tūrǵyndarǵa olardy saqtau erejelerín túsíndíruge deıíngí eríktílerdíń arheologıyalyq nysandardy qorǵau baǵytynda jasap jatqan jūmysy da aıtyldy.
Qorytyndylaı kele, qoǵam belsendílerí 2026 jylǵa arnalǵan josparyn da aıtty. Keler mausymda olar jańadan anyqtalǵan petroglıf shoǵyrlaryn zertteudí jalǵastyryp, Eshkíólmes kesheníníń vırtualdy 3D-turyn jasap, jańa barlau ekspedıtsıyalaryn ótkízudí de josparlap otyr.