Pavlodar oblysynyń Ertís auylynda jeke tūrǵyn úıden órt shyǵyp, kámeletke tolmaǵan ekí bala qaza boldy, dep habarlaıdy Aqshamnews.kz tílshísí.
Oqıǵa jóníndegí habarlama «101» qyzmetíne búgín tańǵy saǵat 08:33-te túsken. Órt sóndíru bólímshelerí oqıǵa ornyna úsh mınut íshínde jetken. Alaıda olar kelgen sátte úı tolyqtaı otqa oranyp, shatyr, jıhaz jáne tūrmystyq zattar janyp, qoyu tútín shyqqan.
Tótenshe jaǵdaılar departamentíníń málímetínshe, órt sóndírushíler jedel áreket etíp, úı íshínen kámeletke tolmaǵan úsh balany alyp shyǵyp, jedel járdem qyzmetíne tapsyrǵan. Taǵy bír bala qūtqarushylar jetkenge deıín syrtqa shyǵarylǵan. Degenmen auyr halde auruhanaǵa jetkízílgen ekí bala dárígerlerdíń barlyq kúsh saluyna qaramastan kóz jūmdy.
Órt shamamen 50 sharshy metr aumaqty qamtyǵan. Qazírgí tańda oqıǵanyń shyǵu sebepterí anyqtalyp jatyr.