Tanymal prodúser ári rejıser Aqan Sataev áleýmettik burynǵy áıeline qatysty ashyq málimdeme jasady, - dep habarlaıdy kznews.kz.
Bul týraly ol áleýmettik jelidegi paraqshasynda bólisti.
Aqan Sataevtyń aıtýynsha, burynǵy jary Nazıra tarapynan tosyn jarıa pikirler aıtylǵan. Ol túrli qaýeset taramaýy úshin balalaryna qatysty ashyq aıtty.
"Bizdiń ajyrasýymyzdyń sebepteri naqty ajyrasýdan jáne nekeni resmı túrde buzýdan áldeqaıda buryn qalyptasqan. Bul tek ózara jeke kelispeýshilikter men qarym-qatynasqa baılanysty boldy. Úshinshi tulǵalar ajyrasýǵa sebep te, syltaý da bolǵan emes. Biz bul máseleni birneshe ret talqylap, eki jaqty sheshimge keldik. Árıne, bul týraly balalarymyzben de ashyq sóılestik.
Ajyrasýǵa deıin de, ajyrasý barysynda da, odan keıin de Nazıra ajyrasýdyń sebebi retinde basqa bir adamdy, onyń ishinde Almırany ataǵan emes. Qazirgi aıtylyp jatqan málimdemeler men úshin kútpegen jaǵdaı boldy ári qoǵam pikirine yqpal etýge baǵyttalǵan áreket sıaqty kórinedi. Onyń ústine, Nazıranyń ózi osy suhbatynda bizdiń qarym-qatynasymyzdaǵy túsinbeýshilikter 2016 jyldan bastalǵanyn, ıaǵnı "Tomırıs" fılminiń túsiriliminen áldeqaıda buryn paıda bolǵanyn aıtady.
Ajyrasýǵa, keıingi turmysqa, balalardy tárbıeleý men olarmen qarym-qatynas jasaýǵa qatysty barlyq máseleler aldyn ala meniń, Nazıranyń jáne balalardyń arasynda tolyq talqylanyp, kelisilgen.
Men Nazıraǵa balalarmen birge osy úıde turýdy birneshe ret usyndym. Alaıda ol óz erkimen bólek turýdy tańdady. Qalaı bolǵanda da, bul úı bolashaqta balalarǵa mura retinde qaldyrylady.
Men Nazıraǵa onyń ózi tańdaǵan úsh bólmeli páterdi satyp alyp, jeke menshigine rásimdep berdim, avtokólikti qaldyrdym, sondaı-aq qarjylaı qoldaý kórsetip, óz mindetterimdi áli de oryndap kelemin.
Balalar menimen birge turýdy qalady. Qazirgi ýaqytta olar meniń qaraýymda.. Al úlken qyzdarym turmysqa shyǵyp, óz ómir jolyn bastap ketti.
Men eshqashan balalardyń anasy Nazıremen aralasýyna kedergi keltirgen emespin jáne keltirmeımin. Balalardyń onymen birge turý múmkindigi boldy jáne qazir de bar. Alaıda olar úshin osy úıde turý áldeqaıda jaıly.
elisilgen barlyq mindettemelerimdi tolyq oryndadym", – dep jazdy Aqan Sataev.