Almatyda ótken respublıkalyq referendumǵa «Mereılí otbasy» baıqauynyń ár jyldardaǵy jeńímpazdary sanalatyn eńbek áuletteríníń ókílderí de qatysyp, dauys berdí. Olardyń qatarynda Dúısebaevtar otbasy men temírjolshylar áuletí – Qapyshevtar bar, – dep habarlaıdy aqshamnews.kz tílshísí.
Qapyshevtar — úsh buynnan tūratyn, 26 adamnan qūralǵan úlken otbasy. Áulet músheleríníń temírjol salasyndaǵy jalpy eńbek ótílí 826 jyl. Otbasynyń eńbek joly 1932 jyly temírjolda jūmys bastaǵan Mūrat Qapyshevtan bastau alǵan. Keıín onyń balalary men nemerelerí de osy salany tańdap, otbasylyq dástúrdí jalǵastyryp keledí.
Al Dúısebaevtar áuletí pedagogıkalyq dástúrímen tanymal. Būl otbasynyń tórt buyny bílím beru salasynda eńbek etíp keledí. 40 jyl ūstazdyq qyzmet atqarǵan Ūlbosyn Dúısebaeva toǵyz bala tárbıelep ósírgen. Balalarynyń kópshílígí mūǵalím mamandyǵyn tańdasa, úsh nemeresí de osy joldy jalǵastyryp keledí.
Otbasy múshelerí referendumǵa qatysudyń mańyzyn erekshe atap óttí.
«Árbír dauys – -ózímíz tańdaǵan bolashaqqa jasalǵan qadam», — dedí Dúısebaevtar áuletíníń ókílderí.
«Referendum eldí jaqsartu jolyndaǵy ortaq ūmtylysta bízdí bíríktíretín mańyzdy qadam», — dedí Qapyshevtar áuletíníń ókílderí.
Uchaskege búkíl otbasymen kelgen áulet ókílderí qoǵamdyq ómírge belsendí aralasudyń jáne otbasylyq dástúrge qūrmettíń úlgísín kórsettí.