Májílís deputattary 2025 jylǵy 29 jeltoqsanda palatanyń plenarlyq otyrysynda Senat engízgen túzetulerdí Qūrylys kodeksíne maqūldady, dep habarlaıdy aqshamnews.kz
Būl qūjat Parlamentte tolyq qabyldanǵan dep esepteledí jáne memleket basshysyna qol qoyuǵa joldanady. Deputat Mūrat Ábenov atap ótkendeı, Qūrylys kodeksí Májílís arqyly 2025 jylǵy 26 qarashada qabyldanyp, 1038 pozıtsıyasy bar túzetulermen Senatqa joldanǵan bolatyn.
"Senat kestesí 27 pozıtsıyadan tūrady. Senat engízgen túzetuler naqtylaushy sıpatta jáne Májílís qabyldaǵan Kodekstíń tūjyrymdamalyq qaǵıdattaryn ózgertpeıdí", – dedí ol.
Deputattyń aıtuynsha, Senat maslıhattar men ákímdíkterdíń qūzyretterín naqtylaudy ūsynǵan.
Atap aıtqanda:
26-baptyń 1-tarmaǵynda tūrǵyn úı qory erejelerín bekítu qūzyretí 1) tarmaqshadan 3) tarmaqshaǵa auystyrylǵan;
28-baptyń 1-tarmaǵy 31) tarmaqshasy "jáne oblystyq maslıhatqa bekítuge ūsynu" degen sózdermen tolyqtyrylǵan, al 2-tarmaqtyń 32) tarmaqshasy "jáne qalalyq maslıhatqa bekítuge ūsynu" dep tolyqtyrylǵan;
29-baptyń 1-tarmaǵy 1) tarmaqshasyna "jáne eldí mekenderdíń damu jáne qūrylys shemalary" degen sózder qosylǵan; 2) tarmaqtyń 8) tarmaqshasy jáne 3) tarmaqtyń 8) tarmaqshasynda "qala qūrylysynyń jobalary (jetkílíktí josparlau jobalary), ótken" degen sózder "jetkílíktí josparlau jobasy, ótken" dep auystyrylǵan;
sonymen qatar 69, 98 jáne 101-baptardyń jobalyq qūjattamany ázírleu jáne kelísu bólígíndegí redaktsıyasy naqtylatyn bolǵan.
"Ekonomıkalyq reforma jáne aımaqtyq damu komıtetí Senat engízgen ózgeríster men tolyqtyrulardy Qūrylys kodeksíne engízuge kelísuge bolady dep esepteıdí", – dedí Mūrat Ábenov.
Sondaı-aq sol kúní "Qazaqstan Respublıkasynyń keıbír zańnamalyq aktíleríne sáulet, qala qūrylysy jáne qūrylys máselelerí boıynsha ózgeríster men tolyqtyrular engízu turaly" zańǵa túzetuler qabyldandy.