Otshashu kúndíz emes tún íshínde atsa, tynyshtyqty būzǵany úshín 5 AEK mólsherínde 19 660 teńge kólemínde aıyppūl tóleıdí, dep habarlaıdy aqshamnews.kz
Jańajyl qarsańynda barlyq jerde otshashulyq shoular ūıymdastyrylatyny belgílí. Dese de, bázbíreuler aulada ne kóshede de otshashu atatyny bar. Míne, sondaı kezge aıyppūl qarastyrylǵan. Máselen, tún ortasynda tynyshtyqty būzyp, tyıym salynǵan jerde otshashudy atsa, 78 myń teńge kólemínde aıyppūl salynady.
Naqtyraq aıtsaq, eger tıístí emes jerlerde otshashu paıdalansa, ÁQBtK-níń 436-baby boıynsha zattary tárkíleníp, 20 aılyq eseptík kórsetkísh, yaǵnı 78 640 teńge aıyppūl salynady.
Eger otshashu kúndíz emes, tún íshínde nemese tynyshtyqty būzǵan bolsa, ÁQBtK-níń 437-baby boıynsha 5 AEK mólsherínde 19 660 teńge tóleuí tıís.
Al kásípkerler úshín salynatyn aıyppūldyń somasy da ózgerek. Máselen, pırotehnıkany qūjatsyz nemese zańsyz alsa 25 AEK (98 300 teńge) aıyppūl salynady. Būdan írí zań būzushylyqtar anyqtalsa, aıyppūl kólemí 100 AEK deıín belgílenedí. Būl degenímíz – 393 200 teńge.
Sondyqtan pırotehnıkany tek resmı satushylardan satyp alǵan jón. Onyń ózínde otshashudy mekemeníń ne úıdíń íshínde, kíreberíste atuǵa bolmaıtynyn eskeru kerek.