Almaty qalasy Azıyadaǵy eń írí halyqaralyq turıstík kórmelerdíń bírí OTM Mumbai 2026 kórmesíne qatysty. Kórmede turoperatorlar, áue tasymaldaushylar, qonaq úı brendterí men ūlttyq turıstík keńselerdí qamtyǵan álemdík turıstík salanyń negízgí ókílderí bas qosty.
Kórme barysynda Almatynyń turıstík áleuetí zamanauı dızaın men ūlttyq naqyshty ūshtastyrǵan stend arqyly tanystyryldy. Ekspozıtsıyada qazaqtyń dástúrlí mádenı elementterí, ūlttyq oyu-órnekter jáne zamanauı multımedıyalyq sheshímder úılesím tapty. Kórme qorytyndysy boıynsha Almaty stendí «Qalalyq turızmdí úzdík tanystyrǵany úshín» marapatyna ıe boldy. Būl qalany halyqaralyq naryqta tanystyru jūmysynyń tıímdílígín jáne sheteldík audıtorıyanyń joǵary qyzyǵushylyǵyn kórsettí.
OTM Mumbai 2026 ayasynda Almaty delegatsıyasy jetekshí turoperatorlarmen, áue kompanıyalarmen jáne halyqaralyq qonaqúı jelílerímen 100-den astam B2B kezdesu ótkízdí. Kelíssózder shetelden keletín turıster sanyn arttyruǵa, jańa turıstík baǵyttar men ónímderdí damytuǵa, sondaı-aq halyqaralyq áríptestíktí nyǵaıtuǵa baǵyttaldy. Ásírese, bolashaǵy zor úndí naryǵyna basymdyq beríldí.