Otandyq bıznes retteletin satyp alýlarǵa OTÓ Reestri arqyly qol jetkize alady, - dep habarlaıdy aqshamnews.kz tilshisi.
2026 jylǵy 1 qańtardan bastap elimizde otandyq taýar óndirýshiler Reestri (OTÓ Reestri) iske qosylady. Bul – otandyq bıznestiń retteletin satyp alýlarǵa jáne memlekettik qoldaýdyń maqsatty sharalaryna qol jetkizýi úshin mindetti quralǵa aınalatyn sıfrlyq platforma.
«Ónerkásiptik saıasat týraly» zańǵa engizilgen túzetýlerge sáıkes, prıorıtetti negizde satyp alýlarǵa qatysý jáne memlekettik qoldaý alý tek osy Reestrge engen kompanıalarǵa ǵana múmkin bolmaq.
Satyp alýlarǵa jáne memlekettik qoldaýǵa qol jetkizý sharttary:
- Negizgi shart – Qazaqstan terıtorıasynda naqty óndirisi rastalǵan bolýy tıis.
- Tizilimde tirkelý úshin ESQ arqyly qol qoıylǵan ótinimdi berý, óndiristi tekserýden jáne baǵalaýdan ótý qajet. Tirkeý e-ondiris.gov.kz platformasy arqyly onlaın rejıminde júzege asyrylady.
Málimetterdiń bir bóligi memlekettik derekter bazasynan avtomatty túrde júkteledi, jetispeıtin qujattardy ótinish berýshi ózi júkteıdi. Júıe «sıfrlyq izder» boıynsha sıfrlyq verıfıkasıa júrgizedi, ıaǵnı óndiristik alańdardy, jabdyqtardy, ruqsat berý qujattaryn, jetkizý tizbegin, sondaı-aq elektrondyq shot-faktýralar men kedendik statısıka derekterin taldaıdy.
Syrtqy ekonomıkalyq qyzmettiń taýar nomenklatýrasynyń árbir kody boıynsha (barlyǵy 3 371 taýar toby) tehnologıalyq operasıalarǵa jáne oqshaýlaýdyń eń tómengi deńgeıine qoıylatyn talaptar belgilengen.
Tizilimge engizilgennen keıin qatysýshy mártebesin saqtaý úshin monıtorıń kózdelgen.
Beınerolıkte tirkeýden bastap tizilimge engizýge deıin jáne qatysýshy mártebesin saqtaý úshin odan keıingi monıtorıńke deıingi reti kórsetilgen nusqaýlyq berilgen.