Kıprdíń Pafos qalasynda ótken bedeldí doda qorytyndysy boıynsha otandasymyz ekí satyǵa kóterílíp, álemdík reıtıngte 7-orynǵa jaıǵasty, – dep habarlaıdy aqshamnews.kz tílshísí.
Bıbísara Asaubaeva 2026 jylǵy Úmítkerler turnıríndegí sáttí óneríníń nátıjesínde FIDE reıtıngínde aıtarlyqtaı alǵa jyljydy.
Onyń reıtıngí 2527,2 ūpaıǵa jetíp, bírden +11,2 ūpaıǵa artty. Būl nátıje Bıbísaranyń álemdík shahmat elıtasyndaǵy ornyn nyǵaıta túskenín ańǵartady.
Qazírgí tańda reıtıng kóshín Qytaı shahmatshylary bastap tūr: Hou Ifan (2596,0), Leı Tıntsze (2566,0) jáne Tszyuı Ventszyun (2559,0).
Úmítkerler turnırínde Asaubaeva tūraqty oıyn órnegín kórsettí. Ol 14 partıyanyń tórteuínde jeńíske jetíp, jeteuín teń ayaqtady jáne tek ekí kezdesude ǵana jeńílís tapty. Nátıjesínde 8 ūpaı jınap, turnırdíń kúmís júldegerí atandy.
Jarys jeńímpazy – úndístandyq Rameshbabu Vaıshalı, ol qazaqstandyq shahmatshydan nebárí 0,5 ūpaıǵa ozyp kettí.