Qazaqstannyń Íshkí íster mınıstrlígí ınternette taraǵan júrgízushílerdí jedeldetílgen onlaın-kurstar arqyly oqytu turaly ūsynystarǵa píkír bíldírdí, dep habarlaıdy Aqshamnews.kz tílshísí Polisia.kz saıtyna sílteme jasap.
Vedomstvo málímetínshe, júrgízushílerdí dayarlau tek lıtsenzıyasy bar avto-mektepterde júrgízíluge tıís jáne oqu baǵdarlamasy tolyq kólemde, onyń íshínde míndettí praktıkalyq sabaqtarmen ótuí qajet. Mınıstrlík onlaın formatta kólík basqaru daǵdylaryn meńgeru jáne bekítu múmkín emes ekenín atap óttí.
Sondaı-aq ÍÍM avto-mekteptí ayaqtaǵannan keıín kuálíktí qaǵaz túrínde alu talap etílmeıtínín túsíndírdí: oqu kursynan ótkení turaly derekter elektrondy aqparattyq júıeler arqyly mamandandyrylǵan HQKO-larǵa avtomatty túrde joldanady.
Mınıstrlík bolashaq júrgízushílerdí oquǵa jauapkershílíkpen qarauǵa shaqyryp, bílím men praktıkalyq daǵdylardyń sapasy jol qozǵalysyna qatysushylardyń qauípsízdígíne tíkeleı áser etetínín eskerttí.
