Qazaqstan Respublıkasynyń Premer-mınıstrí, «Samūryq-Qazyna» AQ Dırektorlar keńesíníń tóraǵasy O. Bektenovtíń málímdeme jasady, dep habarlaıdy aqshamnews.kz tílshísí.
«Samūryq-Qazyna» AQ basshylyǵyna qatysty sońǵy oqıǵalarǵa baılanysty bírqatar túsíníkteme berudí qajet dep sanaımyn. Qazírgí uaqytta qūqyq qorǵau organdary jekelegen lauazymdy tūlǵalarǵa qatysty tergeu áreketterín júrgízude. Barlyq mán-jaılar júrgízílíp jatqan tergeu ayasynda anyqtaluda. Jaǵdaı Memleket basshysynyń baqylauynda.
Qūzyrettí organdar zańnama talaptaryn qatań saqtaı otyryp, obektıvtí árí jan-jaqty tergeu júrgízuge tıís. Qazírgí kezeńde sóz naqty bír jaǵdaı turaly bolyp otyr. Būl jaǵdaı Qordyń búkíl kompanıyalar tobynyń qyzmetíne kúmán keltíruge negíz bola almaıdy.
Jaqyn arada «Samūryq-Qazyna» AQ Basqarmasynyń jańa tóraǵasy taǵaıyndalady. Būl rette basqaru ísíndegí sabaqtastyq pen Qor qyzmetíníń úzdíksízdígí tolyq qamtamasyz etíledí. Qor tobyna kíretín barlyq kompanıyalar shtattyq rejımde jūmysyn jalǵastyruda. Qordyń damu strategıyasy ózgeríssíz qalady. Investıtsıyalyq jáne ınfraqūrylymdyq jobalardy íske asyru bekítílgen josparlarǵa sáıkes jalǵasady. Investorlar, kredıtorlar, bankter jáne halyqaralyq qarjy ınstıtuttary aldyndaǵy barlyq qarjylyq, sharttyq jáne boryshtyq míndettemeler uaqtyly árí tolyq kólemde oryndalady.
Sonymen qatar oryn alǵan jaǵdaı korporatıvtík basqarudy odan árí nyǵaıtu jáne sybaılas jemqorlyq táuekelderíníń aldyn alu boıynsha júıelí sharalar qabyldaudy talap etedí.
Qordyń Dırektorlar keńesíníń tóraǵasy retínde Qor men onyń enshíles ūıymdarynyń dırektorlar keńesteríníń, sondaı-aq olardyń janyndaǵy beıíndí komıtetterdíń, eń aldymen audıt jáne táuekelderdí basqaru komıtetteríníń rólín kúsheıtudí qajet dep sanaımyn. Íshkí baqylau, komplaens jáne íshkí audıt tetíkterí qaıta qaralyp, kúsheıtíledí. Sybaılas jemqorlyq qūqyq būzushylyqtarynyń aldyn aluǵa, múddeler qaqtyǵysyn anyqtauǵa, qabyldanatyn sheshímderdíń ashyqtyǵyn arttyruǵa jáne basshylardyń derbes jauapkershílígín kúsheıtuge erekshe nazar audarylady.
Bízdíń míndetímíz tek naqty qūqyq būzushylyqtarǵa den qoyumen shektelmeıdí. Eń bastysy, mūndaı jaǵdaılardyń qaıtalanuyna jol bermeıtín tıímdí júıe qalyptastyru. Qazaqstan Respublıkasynyń Úkímetí Qordyń strategıyalyq baǵytynyń ózgermeıtínín, tūraqtylyq, ashyqtyq jáne jauapty áríptestík qaǵıdattaryna beıíldílígín rastaıdy.
Qazaqstan halyqaralyq ınvestıtsıyalyq jáne qarjy qoǵamdastyǵy úshín senímdí áríptes bolyp qala beredí. Bíz ınvestorlarymyz ben kredıtorlarymyzdyń senímín joǵary baǵalaımyz jáne ūzaq merzímdí, ózara tıímdí yntymaqtastyqty jalǵastyruǵa nıettímíz.