Májilis jýrnalıserge arnalǵan «Parlament sózi» syılyǵynyń qorytyndysyn jarıalap, arnaýly atalymdar boıynsha jeńimpazdardy anyqtady.
Quramynda Májilis depýtattary, kórnekti qoǵam qaıratkerleri, partıa ókilderi kiretin Komısıa sheshimi boıynsha osy jyly jeńimpazdar segiz atalym boıynsha saıysqa tústi, dep habarlaıdy Almaty-akshamy.kz Parlam.kz-ke silteme jasap.
Bıyl parlamenttik syılyq besinshi ret ótkizilip otyr. Májilis Tóraǵasy Nurlan Nyǵmatýlın «Parlament sózi» syılyǵynyń jeńimpazdaryna, sondaı-aq, barsha buqaralyq aqparat ókilderine kásibı merekege oraı quttyqtaý lebizin jetkizdi.
Osy rette, Nurlan Nyǵmatýlın aqparattyń kez kelgen salasynda, gazette, teledıdarda, ınternet baspalarda jumys isteıtin tilshilerge qurmet kórsete otyryp: "Biz bıyl da Elbasymyz Nursultan Ábishuly Nazarbaevtyń tapsyrmalaryn, Memleket basshysy Qasym-Jomart Kemeluly Toqaevtyń mańyzdy bastamalaryn júzege asyrý jolynda birlesip, ashyq, sapaly jumys jasap kelemiz dep aıtýǵa bolady", - dedi.
İs-sharada «Parlamenttik jýrnalısıkany damytýǵa qosqan úlesi úshin» nomınasıasy Qýanysh Sultanov jáne Jumabıke Júnisovaǵa tabystaldy.
Al «Úzdik televızıalyq sújet úshin» nomınasıasyn «Qazaqstan» telearnasynyń tilshisi Nysanaly Yǵylov, «Habar» telearnasynyń tilshisi Dınara Janbatyrova ıelendi.
«Úzdik baspa jarıalanymy úshin» nomınasıasy «Aıqyn» gazetinen Gúlzına Bektasovaǵa, «Kazahstanskaıa pravda» gazetinen Vladımır Kýrátovke tabystaldy.
«Úzdik ınternet jáne radıo materıaly úshin» nomınasıasy «Qamshy.kz» aqparattyq portalynyń jetekshisi Qýanysh Bilál jáne «Sputnik.kz» tilshisi Janıa Ýrankaevaǵa berildi.
«Arnaıy reportaj» nomınasıasyn «Habar 24» arnasynan Nurshapaǵat Nesipbaevqa jáne «Pervyı kanal «Evrazıa» arnasynyń «Parlament online» baǵdarlamasyna usynyldy.
«Úzdik beıne-sýret materıaly úshin» nomınasıasyn «Astana» telearnasynan Nurjan Mahmýtov jáne «Tengrinews» ınternet resýrsynan Turar Qazanǵapov jeńip aldy.
«Áleýmettik jelidegi úzdik materıal úshin» nomınasıasy Murat Ábenovke jáne Danıar Áshimbaevqa berildi.
«Qazaqstan Respýblıkasy Táýelsizdiginiń 30 jyldyǵyna arnalǵan» arnaıy nomınasıasy «Egemen Qazaqstan» respýblıkalyq gazetiniń Basqarma tóraǵasy Qydyráli Darhan Qýandyqulyna jáne «KTK» telearnasyna berildi.
Sonymen qatar Májilis Tóraǵasy bıyl búkil elimiz úshin, halqymyz úshin erekshe jyl ekenin alǵa tarta kelip: «Qasıetti Otanymyz - Qazaqstanymyzdyń Táýelsizdik alǵanyna 30 jyl tolady. Osy ýaqytta ótken barlyq saıası, áleýmettik, ekonomıkalyq ózgerister, sonyń ishinde, Parlamenttiń zań shyǵarý qyzmeti árqashanda tikeleı aqparat quraldarynyń nazarynda boldy. Sondyqtan jýrnalıser árqashanda táýelsizdikpen birge jasap, egemen elimizdiń árbir jeńisin, árbir jemisin nasıhattap, elimizdiń, halqymyzdyń ómir sapasyn odan ári arttyrýǵa zor úles qosyp kele jatyr», - dedi Nurlan Nyǵmatýlın.
Májilis Tóraǵasy «Parlament sózi» syılyǵynyń ıegerlerin Májilis sımvolıkasy beınelengen músinshelermen jáne arnaıy dıplomdarmen marapattady.