Nyu-Iork qalasynda ekí kúnge sozylǵan qatty ayaz saldarynan segíz adam qaza tapty, dep habarlaıdy Aqshamnews.kz tílshísí.
AQSh-ta ayazdy dauyldan keıín bírqatar óńírde tótenshe jaǵdaı bolǵan. Ūlttyq meteorologıyalyq qyzmettíń (NWS) deregíne sáıkes, aua raıynyń qolaısyzdyǵyna baılanysty mektepter men joldar jabylyp, áue reısterí toqtatylǵan. Sondaı-aq myńdaǵan tūrǵyn jaryqsyz qalǵan.
Nyu-Iork merí Zohran Mamdanı borannyń basyluy qauíp tolyq óttí degendí bíldírmeıtínín aıtty. Onyń sózínshe, qaladaǵy baspanalarǵa qabyldau talaptary jeńíldetílíp, mūqtaj jandardyń barlyǵy ornalastyrylyp jatyr.
Qala bılígí «Kók kod» (Code Blue) rejımí álí de kúshínde ekenín málímdedí. Bılík ókílderí suyqtan zardap shegíp júrgen adamdardy baıqaǵan jaǵdaıda 311 nómíríne habarlasuǵa shaqyrdy.
Ótken jylǵy resmı derekterge sáıkes, Nyu-Iork kóshelerínde úı-kúısíz adamdar sany 4,5 myńnan asady. Koalıtsıya ókílí Deıv Gıffenníń aıtuynsha, ayazdy túnderde olar kózge túse bermeıtín jerlerdí panalaıdy, sondyqtan der kezínde kómek kórsetu qıyndaıdy.
Temperaturanyń odan árí tómendeuíne baılanysty qala bılígí kómek kórsetu toptarynyń jūmysyn kúsheıtíp, tūrǵyndardy baspanalar men jylynu punktteríne shaqyrudy jalǵastyryp jatyr.