Nauryz merekesín atap ótu ayasynda Bílím basqarmasy «Dombyra úní» atty auqymdy aktsıya ūıymdastyrady, – dep habarlaıdy aqshamnews.kz tílshísí.
Qalanyń 6-10 synyp oqushylarynan qūralǵan 11 000 jas dombyrashy bír mezette kúı oryndap, ūlttyq ónerdíń qūdíretín pash etedí.
Ís-sharanyń basty maqsaty – qazaqtyń dástúrlí muzykasyn dárípteu, jas ūrpaqtyń ūlttyq ónerge degen qyzyǵushylyǵyn arttyru jáne mádenı mūrany keńínen nasıhattau.
Būl bastama Qazaqstanda ūlttyq aspapta bír mezette kúı oryndaǵan eń írí muzykalyq sharalardyń bírí bolmaq. Qalanyń barlyq audanynan jınalǵan oqushylar bír sahnada óner kórsetíp, qazaq halqynyń baı ruhanı mūrasyna degen qūrmettíń aıqyn belgísín tanytady.
Ís-sharanyń qūrmettí qonaqtary retínde tanymal qazaqstandyq ónerpazdar — Asylbek Eńsepov, Rınat Gaısın, Nūrlan Alban jáne Álı Oqapov qatysady. Belgílí muzykanttar fleshmob qatysushylaryna qoldau bíldíríp, qala tūrǵyndaryn Nauryz merekesímen qūttyqtaıdy.
Aktsıya qorytyndysy boıynsha būl ís-sharany Qazaqstan rekordtar kítabyna ūlttyq aspapta kúıdí bír uaqytta eń kóp adam oryndaǵan mádenı oqıǵa retínde engízu josparlanyp otyr.
Auqymdy muzykalyq fleshmob Nauryz merekesíne arnalǵan ís-sharalardyń jarqyn kórínísíne aınalyp, ūlttyq mádenıettí jastar arasynda keńínen nasıhattauǵa úles qosady. Būl jaı ǵana kontsert emes, myńdaǵan jas júrektíń bír yrǵaqta soǵuy men ata-baba mūrasyna degen qūrmettíń kórínísí.
Kúní: 17 nauryz 2026 jyl
Uaqyty: 13:00
Ótetín orny: Almaty Arena