Almaty qalasynda ornalasqan Ulttyq testileý ortalyǵynyń fılıalynan shý shyqty, -dep habarlaıdy Almaty-akshamy.kz BAQ.KZ-ke silteme jasap.
Tańnan beri ortalyqtyń aldyn kúzetken muǵalimder testileý ortalyǵyna óz aryz-shaǵymdaryn jetkizdi.
Búgin ár óńirden jınalyp, biliktilikti arttyrý testin tapsyrýǵa keldik. Eki saǵattaı ortalyq aldynda turýǵa májbúr boldyq. Mundaǵy qyzmetkerler Astana qalasyndaǵy baza ashylmady, sol sebepten test tapsyrý múmkin bolmaıdy dedi. Shet jaqtan kelgender qaıta-qaıta sabylmaıtynyn aıtyp jatyr. Olardy da túsinýge bolady. Myna jerde eń bolmasa otyratyn jerde joq. Aıaqtan tik turyp kútýge májbúr boldyq, – deıdi muǵalimder.
Testileý ortalyǵynyń mamandary mán-jaıdy túsindirip, testiń senbige, ıaǵnı 15-i sáýirge aýysý sebebin aıtty. Sondaı-aq, ustazdardy sabyrǵa shaqyryp, tehnıkalyq olqylyqtardyń bolýyna túsinistikpen qaraýyn ótindi.
Test tapsyrýshynyń ústinde kamera turady, ony Astana qalasyndaǵy test ortalyǵy baqylaıdy. Kameranyń istemeı qalýyna baılanysty test tapsyrýǵa Astana qalasynan ruqsat berilmedi. Sol sebepten emtıhan senbige aýysty. Búgin kelgen adamdardyń barlyǵy test tapsyrady. Tapsyra almaı qalamyn dep qorýdyń keregi joq. Tek, test tapsyrý ýaqyty ózgerdi. 15-i kúni tańǵy 9.00-den bastap test tapsyrýǵa múmkindikteri bar, – deıdi test ortalyǵynyń mamandary.