Qazaqstan Respublıkasynyń Mádenıet jáne aqparat mınıstrlígí jyl saıyn ótetín «Mereılí otbasy» ūlttyq konkursyna qatysuǵa ótínímderdí qabyldau bastalǵany turaly habarlaıdy.
Baıqau adamgershílík qasıetterdí jandandyruǵa, otbasy mártebesí men qūndylyqtaryn arttyruǵa baǵyttalǵan.
Eńbek pen sportta, shyǵarmashylyq jáne zıyatkerlík salalarda, ǵylym men ónerde jetístíkterí bar otbasylar, sondaı-aq qoǵamdyq paıdaly qyzmetke belsendí aralasatyn otbasylar qatysa alady.
Konkursqa qatysuǵa ótínímder 15 mamyrdan 15 mausymǵa deıín óńírlík komıssıyalarda qabyldanady.
Baıqau ekí kezeńde ótedí:
1. Audandyq (qalalyq) kezeń (15 mausymnan 30 mausymǵa deıín).
2. Oblystyq (respublıkalyq mańyzy bar qalalar men elorda) kezeń (30 mausymnan 15 shíldege deıín).
«Mereılí otbasy» ūlttyq konkursynyń laureaty ataǵy Qazaqstannyń barlyq óńírlerínen tanylǵan 20 úzdík otbasyǵa beríledí. Konkurs laureattaryn saltanatty marapattau rásímí Astana qalasynda ótedí.
Osy jyldar íshínde konkursqa Qazaqstannyń barlyq óńírlerínen 20 myńnan astam otbasy qatysty. Bıyl qatysuǵa nıet bíldírgender óz ótínímderín óńírlík komıssıyalarǵa jíbere alady.
❕Tolyq aqparat +7 (7172) 74-13-47, 74-01-62