Qasym-Jomart Toqaev Kran-Montana taý-shańǵy kýrortyndaǵy órt saldarynan kóptegen adamnyń qaza tabýyna baılanysty Shveısarıa Konfederasıasynyń Prezıdenti Gı Parmelanǵa kóńil aıtty, - dep habarlaıdy Aqshamnews.kz.
Qazaqstan Prezıdenti jaqyndarynan aıyrylǵan azamattardyń qaıǵylaryna ortaqtasyp, jaraqat alǵan adamdardyń tezirek saýyǵyp ketýine tilektestigin bildirdi. Sondaı-aq elimiz osy qıyn-qystaý sátte Shveısarıa halqyn qoldaıtynyn jetkizdi.
Eske salaıyq, Shveısarıanyń Kran-Montana taý shańǵy kýrortyndaǵy jarylystan 40 adam qaza tapty. Taǵy júzge jýyq adamdy kúıik shalǵan. Qaıǵyly oqıǵa kýrort aýmaǵyndaǵy merekelik is-shara kezinde boldy. Zardap shekkenderdi evakýasıalaý úshin 10 tikushaq jumyldy. Órttiń shyǵýyna jańa jyldyq otshashý sebep bolýy múmkin degen boljam bar. Tergeý jalǵasyp jatyr.