Memleket basshysy Qasym-Jomart Toqaev Qyzylorda qalasynda ótíp jatqan Ūlttyq qūryltaıdyń V otyrysynda óńírdíń áleumettík saladaǵy jetísteríne toqtaldy, - dep habarlaıdy Aqshamnews.kz.
«Qazír Qyzylorda oblysynda, ásírese, áleumettík salada jaqsy jańalyq kóp.
Úsh jylda osy aımaqta 34 bílím beru, 45 mádenıet jáne sport nysany salyndy. Būǵan qosa, 40 medıtsına nysany ashyldy.
Meníń tapsyrmammen Qyzylordada 300 orynǵa arnalǵan kóp beıíndí auruhananyń qūrylysy bastaldy. Kóp ūzamaı 500 oryndyq emhana jáne 200 oryndyq perzenthana salynady.
Bír sózben aıtqanda, Qyzylorda oblysy barlyq salada qarqyndy damuda. Oblystyń jaǵdaıy jalpy jaqsy dep kúmánsíz aıtuǵa bolady. Būl – ákím Nūrlybek Nálíbaevtyń belsendí, tabandy jūmysynyń nátıjesí».