Memleket basshysy World Boxing prezıdentí Gennadıı Golovkındí qabyldady, - dep habarlaıdy Aqshamnews.kz tílshísí Aqordaǵa sílteme jasap.
Qasym-Jomart Toqaev Gennadıı Golovkındí World Boxing halyqaralyq federatsıyasynyń prezıdentí bolyp saılanuymen qūttyqtady. Būl sheshímdí dańqty sportshynyń álemdík boksty damytuǵa qosqan úlesíníń, kásíbılígí men mínsíz abyroı-bedelíníń moıyndalǵany dep baǵalady.
"Síz álemdík sporttyń damuyna zor úles qostyńyz. Qazaq boks mektebíníń baı dástúrín laıyqty deńgeıde tanytyp, dúnıe júzíníń elímízdí boks derjavasy retínde moıyndauyna yqpal ettíńíz. Ómír jolyńyz kóptegen jarqyn jeńíske toly. Oǵan kúsh-quat, ruh, tabandylyq, íshkí tártíp sekíldí qasıetteríńíz arqyly jettíńíz. Būl elímízde ǵana emes, shet memleketterdegí mıllıondaǵan jastyń jígerín janıdy. Esímíńíz álemdík boks tarıhyna altyn áríppen jazylǵanyna esh kúmán joq", – dedí Prezıdent.
Memleket basshysy tanymal sportshynyń Ūlttyq olımpıada komıtetíndegí qyzmetíne joǵary baǵa berdí.
"Sízdíń basqaru salasyndaǵy jetístíkteríńízdí aıryqsha atap ótkím keledí. Sporttaǵy eńbegíńízdí eskere otyryp, Sízdí Ūlttyq olımpıada komıtetí prezıdenttígíne úmítker retínde ūsyndym. Ūlttyq sport federatsıyalarynyń barlyǵymen baılanys ornatyp, az uaqytta kóp ís tyndyrǵanyńyz úshín rızashylyǵymyzdy bíldíremíz. Halyqaralyq Olımpıada komıtetímen yntymaqtastyqty jolǵa qoıdyńyz", – dedí Memleket basshysy.
Qasym-Jomart Toqaev Gennadıı Golovkınge World Boxing halyqaralyq federatsıyasynyń prezıdentí retínde kóptegen máseleníń sheshímín tabuy qajet ekenín aıtty.
"Búgínde sporttyq mansabyńyzdaǵy jańa kezeńge ayaq bastyńyz. World Boxing federatsıyasynyń prezıdentí bolyp saılandyńyz. Jūmys endí ǵana bastaldy. Aldyńyzda atqaratyn qyruar sharua tūr. Sondaı-aq Sízdíń jahandyq deńgeıdegí sporttyq qūrylymdy basqaryp otyrǵan alǵashqy qazaqstandyq ekeníńízdí aıta ketu kerek. Kásíbı bílíktílígíńíz ūıymdy jańa beleske kóteríp, boks kókjıegín keńeıtetíníne senímdímín", – dedí Prezıdent.
Memleket basshysy otandyq sportty damytuǵa síńírgen eleulí eńbegí úshín Gennadıı Golovkındí Í dárejelí «Barys» ordenímen marapattady.
Gennadıı Golovkın eńbegín joǵary baǵalaǵany, sením artyp, qoldau kórsetkení úshín Prezıdent Qasym-Jomart Toqaevqa alǵys aıtty. Sondaı-aq boksty odan árí damytuǵa, osy sport túríníń elímízdegí jáne halyqaralyq deńgeıdegí bedelín nyǵaıtuǵa daıyn ekenín jetkízdí.