Qasym-Jomart Toqaev avıatsıya salasyn tsıfrlandyruǵa basa nazar audardy, - dep habarlaıdy aqshamnews.kz tílshísí.
"Kólíktíń barlyq túrímen júk tasymaldau naryǵyndaǵy ózara yqpaldastyq "bíryńǵaı tsıfrlyq tereze" qaǵıdaty boıynsha júrgízíluge tıís. 2019 jyly áue kólígímen júk tasymaldau úderísín jeńíldetuge baǵyttalǵan "E-freight" júıesí íske qosyldy. Bíraq búgínge deıín būl júıeníń qyzmetí shekteulí kúıínde qalyp otyr. Qūjattardy resímdeudí keshíktíru faktílerí bar", – dedí Memleket basshysy.
Qasym-Jomart Toqaevtyń píkírínshe, ózektí máseleníń bírí – avıatsıya salasyna qajettí kásíbı mamandar dayarlau.
"Bílíktí kadrlar bolmasa, reformalardy júzege asyru múmkín emes. Būl salada kadr tapshylyǵy qatty sezílíp otyr. Jyl saıyn júzdegen maman kerek boluda. Osy máselení shūǵyl sheshu qajet. Úkímetke kadr dayarlau júıesín reformalauǵa qatysty naqty sharalar qabyldaudy tapsyramyn. Halyqaralyq bílím-ǵylym mekemelerímen baılanys ornatu qajet. Sondaı-aq mamandardyń bílíktílígín arttyratyn qūzyret ortalyqtaryn qūru kerek", – dedí Qasym-Jomart Toqaev.
Memleket basshysy kólík jáne logıstıka salasyn damytudyń strategıyalyq mání zor ekenín aıtyp, būl máselení óz baqylauynda ūstaıtynyn jetkízdí.